سەناتتىڭ كونستيتۋتسيالىق زاڭناما, سوت جۇيەسى جانە قۇقىق قورعاۋ ورگاندارى كوميتەتىنىڭ كەڭەيتىلگەن وتىرىسىندا «ادۆوكاتتىق قىزمەت جانە زاڭ كومەگى تۋرالى» زاڭ جوباسى قارالدى.
زاڭ جوباسى بىلىكتى زاڭ كومەگىن الۋعا كونستيتۋتسيالىق قۇقىقتى ىسكە اسىرۋ, حالىقتىڭ الەۋمەتتىك وسال توپتارىنا, قيىن ومىرلىك جاعدايعا تاپ بولعان ادامدارعا تەگىن نەگىزدە زاڭ كومەگىن الۋعا قول جەتكىزۋدى قامتاماسىز ەتۋ جانە ادۆوكاتتىق قىزمەت پەن زاڭ كومەگىن كورسەتۋ جۇيەسىن كەشەندى تۇردە جەتىلدىرۋ ماقساتىندا ازىرلەندى.
زاڭ جوباسىمەن ادۆوكاتتار القاسىنىڭ جانە زاڭ كونسۋلتانتتارى پالاتاسى باسقارۋ ورگاندارىنىڭ قۇرىلىمى, ولاردى قالىپتاستىرۋ ءتارتىبى جانە ولاردىڭ قۇزىرەتتەرى ايقىندالادى. بۇل رەتتە ادۆوكاتتار القاسى پرەزيديۋىمىنىڭ توراعاسى مەن مۇشەلەرى ءۇشىن ءتورت جىلدان اسپايتىن, ال القالىق باسقارۋ ورگانى مەن زاڭ كونسۋلتانتتارىنىڭ اتقارۋشى باسقارۋ ورگانى ءۇشىن – ولاردىڭ جارعىسىمەن وكىلەتتىك مەرزىمى بەلگىلەنەدى.
ادۆوكاتتار القاسىنا جانە زاڭ كونسۋلتانتتارى پالاتالارىنا ولارعا مۇشەلىككە قابىلداۋ شارتتارى, زاڭ كومەگىن كورسەتۋ ستاندارتتارى جانە ولارعا مۇشەلىككە قابىلداۋ كەزىندە كىرۋ جارنالارىن تولەۋگە تىيىم سالۋ بەلگىلەنەدى.
زاڭ جوباسىمەن:
- زاڭ كومەگىن كورسەتۋ جونىندەگى قىزمەتتى رەتتەۋ جانە ءوز مۇشەلەرىنىڭ قازاقستان رەسپۋبليكاسىنىڭ ادۆوكاتتىق قىزمەت جانە زاڭ كومەگى تۋرالى زاڭناماسىنىڭ, زاڭ كونسۋلتانتتارى پالاتاسىنىڭ قاعيدالارى مەن ستاندارتتارىنىڭ, كاسىپتىك ادەپ كودەكسىنىڭ تالاپتارىن ساقتاۋى بولىگىندە ولاردىڭ قىزمەتىن باقىلاۋ ماقساتىندا قۇرىلعان, زاڭ كونسۋلتانتتارى پالاتالارىنىڭ تىزىلىمىنە ەنگىزىلگەن, مۇشەلىك شارتتارىندا كەمىندە ەلۋ زاڭ كونسۋلتانتىن بىرىكتىرەتىن, مىندەتتى مۇشەلىككە نەگىزدەلگەن ءوزىن-ءوزى رەتتەيتىن ۇيىم زاڭ كونسۋلتانتتارىنىڭ پالاتاسى بولىپ تانىلاتىنى;
- جوعارى زاڭ ءبىلىمى بار, زاڭ ماماندىعى بويىنشا كەمىندە ەكى جىل جۇمىس ءوتىلى بار, اتتەستاتتاۋدان وتكەن, زاڭ كونسۋلتانتتارى پالاتاسىنىڭ مۇشەسى بولىپ تابىلاتىن جانە زاڭ كومەگىن كورسەتەتىن جەكە تۇلعا زاڭ كونسۋلتانتى بولىپ تابىلاتىنى بەلگىلەنگەن.
زاڭ كونسۋلتانتىنىڭ سوتتاردا تۇلعالاردىڭ مۇددەلەرىن ءبىلدىرۋ تۇرىندە زاڭ كومەگىن كورسەتۋ ءۇشىن زاڭ كونسۋلتانتتارى پالاتالارىنىڭ ءبىرىنىڭ مۇشەسى بولۋ مىندەتى دە رەگلامەنتتەلەدى.
ۋاكىلەتتى ورگان زاڭ كومەگىن كورسەتۋ سالاسىندا زاڭ كونسۋلتانتتارى پالاتالارىنىڭ قازاقستان رەسپۋبليكاسىنىڭ ادۆوكاتتىق قىزمەت جانە زاڭ كومەگى تۋرالى زاڭناماسىنىڭ, زاڭ كونسۋلتانتتارى پالاتاسى قاعيدالارىنىڭ جانە ستاندارتتارىنىڭ, كاسىپتىك ادەپ كودەكسىنىڭ تالاپتارىن ورىنداۋىنا باقىلاۋدى جۇزەگە اسىرادى.
زاڭ جوباسىمەن 2020 جىلعى 1 قاڭتاردان باستاپ ءۇشىنشى تۇلعالارعا كەلتىرىلگەن زياندى وتەۋ ءۇشىن زاڭ كونسۋلتانتتارىنىڭ قىزمەتىن مىندەتتى ساقتاندىرۋ ينستيتۋتى قولدانىسقا ەنگىزىلەدى.
سەناتورلار سونداي-اق «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ادۆوكاتتىق قىزمەت جانە زاڭ كومەگى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن ءبىرىنشى وقىلىمدا قارادى.
زاڭ جوباسىمەن زاڭدارى مەن زاڭ اكتىلەرىنە وزگەرىستەر مەن تولىقتىرۋلار ەنگىزۋ كوزدەلەدى.
قىلمىستىق-پروتسەستىك كودەكسiندە جانە «ادامداردى قوعامنان ۋاقىتشا وقشاۋلاۋدى قامتاماسىز ەتەتىن ارناۋلى مەكەمەلەردە ۇستاۋ ءتارتىبى مەن شارتتارى تۋرالى» زاڭىندا ادۆوكاتتىق وردەردى قولدانۋ الىپ تاستالادى.
اكىمشىلىك قۇقىق بۇزۋشىلىق تۋرالى كودەكسىندە ادۆوكاتتىڭ سۇراۋ سالۋى بويىنشا مالiمەتتەردi بەلگiلەنگەن مەرزiمدەردە ۇسىنۋدان باس تارتقانى ءۇشىن جاۋاپتىلىققا تارتىلاتىن ادامداردىڭ تىزبەسىنە زاڭدى تۇلعالار ەنگىزىلدى.
زاڭ جوباسىمەن «نوتاريات تۋرالى» زاڭىنا:
- نوتاريۋس ليتسەنزياسىنىڭ قولدانىسىن كاسiپكەرلiك نەمەسە اقى تولەنەتىن وزگە قىزمەتپەن اينالىسقان, مەرزىمدى اسكەري قىزمەتتى وتكەرگەن جانە نوتاريۋس ءوزىنىڭ ءوتىنىشى نەگىزىندە وكىلەتتىكتەرىن ورىنداماعان كەزەڭدە توقتاتا تۇرۋدى;
- نوتاريۋستىڭ تورەلىك تالقىلاۋدا تورەشى بولىپ سايلانۋعا (تاعايىندالۋعا) قۇقىعىن;
- جەكە پراكتيكامەن اينالىساتىن نوتاريۋستىڭ تارتىپتىك جاۋاپتىلىعىن كوزدەيتىن تولىقتىرۋلار ەنگىزىلەدى.
زاڭ جوبالارى پالاتانىڭ قاراۋىنا ۇسىنىلدى.