وتكەن جىلعا قاراعاندا بيىلعى 5 ايدا جۇقپالى ىشەك اۋرۋلارى ينفەكتسياسىنا شالدىققانداردىڭ سانى 34 پايىزعا ارتقان.
كەسەلدى جۇقتىرعانداردىڭ 80 پايىزى– بالالار. ەپيدەميولوگ ماماندار قاراپايىم سانيتارلىق ەرەجەلەردىڭ ساقتالماۋى سالدارىنان ورىن العانىن كولدەنەڭ تارتادى. «جىل باسىنانا بەرى 300-گە جۋىق وتكىر ىشەك اۋرۋلارى ينفەكتسياسىن جۇقتىرۋ فاكتىلەرى تىركەلدى. ول14 جاسقا دەيىنگى بالالار اراسىندا كەڭ تارالىپ وتىر.
وڭىردە تاماقتان ۋلانۋ فاكتىلەرى دە جوق ەمەس. وسىنداي 5 جاعداي ورىن الدى», دەيدى وبلىستىق قوعامدىق دەنساۋلىق ساقتاۋ دەپارتامەنتىنىڭ ءبولىم جەتەكشىسى فاريدا مۇحامەدجانوۆا.
ونىڭ ايتۋىنشا زاۋىتتاردان شىعارىلاتىن ونىمدەردەن ۋلانۋ فاكتىلەرى تىركەلمەگەن. شىمكەنتتەگىدەي بالمۇزداقتان ۋلانۋ سەكىلدى وقىس وقيعالار قايتالانباس ءۇشىن تاۋار وندىرۋشىلەر مەن ءونىمدى وتكىزۋشىلەرگە الدىن-الا ەسكەرتۋ شارالارى بەرىلەدى.
دەگەنمەن, ازىق-ت ۇلىك وندىرەتىن زاۋىتتاردا جوسپارلى جانە جوسپاردان تىس تەكسەرىستەر قىسقارتىلعان. بۇل كاسىپورىندار جاۋاپكەرشىلىكتەن قۇتىلىپ كەتەدى دەگەندى بىلدىرمەيدى. جاڭا زاڭ نورماسى بويىنشا بۇدان بىلاي ءار كاسىپورىن وزدەرىندە ءىشىنارا تەكسەرىستەر وتكىزىپ تۇرۋدى قولعا الاتىن بولادى.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى