2018 جىلدىڭ 19 مامىرى كۇنى ماڭعىستاۋ وبلىسى قاراقيا اۋدانى توتەنشە جاعدايلار ءبولىمى 13-17 جاس ارالىعىنداعى مەكتەپ وقۋشىلارى اراسىندا جەتىباي سەلوسىندا ورنالاسقان №11 ءورت ءسوندىرۋ بولىمىندە «جاس قۇتقارۋشى» جارىسىن وتكىزدى.
«جاس قۇتقارۋشى» جارىسىنىڭ ماقساتى بالالار جانە جاستار اراسىندا سالاۋاتتى ءومىر سالتىن كەڭىنەن دارىپتەۋ, توتەنشە جاعدايلاردىڭ تۋىنداۋى مەك قاۋىپى تونگەن كەزىندە جەكە جانە ۇجىمدىق قاۋىپسىزدىك ماسەلەسىنە سانالى جانە جاۋاپتى كوز كاراستى قالىپتاستىرۋ, بالالار مەن جاستاردى قولدانبالى سپورت تۇرىمەن شۇعىلدانۋعا تارتۋ, سونداي-اق جاسوسپىرىمدەردى اسكەري-پاتريوتتىق تاربيەلەۋ جانە «قۇتقارۋشى» ماماندىعىن ناسيحاتتاۋ بولىپ تابىلادى.
جارىسقا اۋداننىڭ №3, №4, №5, №7, №8 ورتا مەكتەپتەرى قاتىستى. جارىس جاۋىنگەرلىك قانات جايۋ, وقۋ مۇناراسىنىڭ 1 قاباتىنا كوتەرىلۋ, كەدەرگىلەر ارقىلى 100 مەترلىك جولاقتان ءوتۋ, قۇتقارۋ ارقانىن ۋاقىتقا بايلاۋ تۇرلەرى بويىنشا وتكىزىلدى.
جارىس قورتىندىسى بويىنشا 1-ورىن №5 ورتا مەكتەبى, 2-ورىن - №3 ورتا مەكتەبى, 3-ورىندى №8 ورتا مەكتەبى يەلەندى. جارىسقا قاتىسۋشىلار كۋبوكتارمەن جانە ماقتاۋ گراموتالارمەن ماراپاتتالدى. اۋداندىق جارىستىڭ جەڭىمپازدارى «جاس قۇتقارۋشى» قالالىق جارىسىنا قاتىسۋعا مۇمكىندىك الدى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى