وزبەكستان تۇركىتىلدەس ەلدەردىڭ ىنتىماقتاستىق كەڭەسىنىڭ قۇرامىنا كىرۋ تۋرالى شەشىم قابىلدادى.
بۇل تۋرالى وزبەكستان پرەزيدەنتى شاۆكات ميرزيەەۆ تۇركيا پرەزيدەنتىمەن كەلىسسوزدەردەن كەيىن باق-قا بەرگەن بريفينگ بارىسىندا ءمالىم ەتتى.
شاۆكات ميرزيەەۆتىڭ ايتۋىنشا, ول تۇركى كەڭەسىنىڭ جۇمىسىنا وزبەكستاننىڭ قاتىسۋى ماسەلەسىن تۇركيا پرەزيدەنتىمەن جەكە تالقىلاعان, سونداي-اق وعان وڭ جاۋاپ العان.
ء«بىز بىشكەكتە وتەتىن كەڭەستىڭ كەلەسى وتىرىسىنا قاتىسامىز», - دەدى وزبەكستاننىڭ پرەزيدەنتى.
ەسكە سالا كەتسەك, تۇركى ىنتىماقتاستىق كەڭەسى 2009 جىلى قۇرىلعان بولاتىن. ونىڭ قۇرامىنا قازاقستان, تۇركيا, ازەربايجان مەن قىرعىز رەسپۋبليكاسى كىرەدى.