جۋرناليستەرگە ارنالعان حالىقارالىق سەمينار ءوتتى

اپتالىق سەميناردى قا­زاق­ستان سىرتقى ىستەر مي­نيس­ترلىگى بۇۇ حاتشىلىعىمەن جانە دامۋ باعدارلاماسىمەن بىرلەسىپ ۇيىمداستىردى. قازاقستان, قىر­عىزستان, تاجىكستان جانە وزبەك­ستان رەداكتورلارى, تىلشى­لەرى مەن ساراپشىلارى بۇۇ قا­ۋىپ­سىزدىك كەڭەسىنىڭ جۇمىسى­مەن, قاۋىپسىزدىك كەڭەسىنىڭ مۇشەسى رەتىندەگى قازاقستاننىڭ قىز­مەتىمەن, سونداي-اق بۇقارالىق اق­پارات قۇرالدارىندا بۇۇ جۇ­مىسىن جاريالاۋدىڭ ەرەكشە­لىگىمەن تانىستىرىلدى.

پرەزيدەنت نۇرسۇلتان نازارباەۆ 2017 جىلعى 17 قاڭ­تار­­داعى بۇۇ قاۋىپسىزدىك كەڭە­سىنە ارناعان ساياسي ۇندەۋ­ىن­دە ور­تالىق ازيانىڭ بار­لىق مەم­لەكەتتەرىنىڭ ء«وڭىر­دىڭ تۇراق­تى­لىعى مەن قاۋىپ­سىز­دىگىن قام­تاماسىز ەتۋ, ىنتى­ماق­تاستىقتى نىعايتۋ جانە ونىڭ ارتۋى مەن دامۋىن قولداۋ بويىنشا» مۇددەلەرىن ىلگەرىلەتۋگە دەگەن نيەتىن باسا اتاپ وتكەن. سە­مي­نار ورتالىق ازيا مەن بۇۇ ارا­سىنداعى گۋمانيتارلىق باي­لا­نىستاردى نىعايتۋ, بەيبىت­شىلىكتى, قاۋىپسىزدىكتى جانە تۇ­راق­تى دامۋدى نىعايتۋ بويىنشا ۇيىمنىڭ جۇمىسىمەن تانىسۋعا مۇمكىندىك تۋعىزۋعا باعىتتالدى.

جۋرناليستەر مەن ساراپشىلار بۇۇ-داعى دۇنيەجۇزىلىك باق وكىلدىكتەرىن ارالاپ, سونداي-اق تاياۋ شىعىس ماسەلەلەرى بويىنشا بۇۇ قاۋىپسىزدىك كەڭەسىنىڭ توتەنشە وتىرىستارىنا جانە افريكا بويىنشا قاۋىپسىزدىك كەڭەسىنىڭ بريفينگتەرىنە قا­تىس­تى. بۇۇ باس حاتشىسىنىڭ كوم­مۋنيكاتسيالار بويىنشا ورىن­باسارى اليسون سمەيل بۇكىل الەمدەگى بۇۇ اقپاراتتىق ورتا­لىق­تارىنىڭ جۇمىسى تۋرالى اڭگىمەلەستى.

سونىمەن قاتار نيۋ-يوركتە ورتالىقازيالىق دەلەگاتسيا بۇۇ باس حاتشىسىنىڭ كومەكشىسى – بۇۇ دامۋ باعدارلاماسىنىڭ ەۋ­روپا مەن تمد ەلدەرى بويىن­شا اۋماقتىق بيۋرو ديرەكتورى دجيحان سۇلتانوعلۋمەن, تەر­روريزممەن كۇرەس جونىندەگى بۇۇ كەڭسەسى ديرەكتورىنىڭ ورىنباسارى ستيۆەن سيكۋەرامەن, «Security Council Report» حالىقارالىق ۇكى­مەتتىك ەمەس ۇيىمىنىڭ باسشى­لىعىمەن كەزدەستى.

قازاقستاننىڭ بۇۇ جانىن­داعى تۇراقتى وكىلى قايرات وما­روۆ كەزدەسۋ كەزىندە بۇۇ قك-دەگى قازاقستاندىق مۇشەلىكتىڭ با­سىم­دىقتارىن ءتۇسىندىردى. سونداي-اق ديپلومات 2018 جىلعى قاڭ­تار­­داعى قازاقستاننىڭ وسى ورگان­داعى توراعالىعىنىڭ قورى­تىن­دى­لارىمەن, ونىڭ ىشىندە جەر­گىلىك­تى احۋال مەن تەندەنتسيا­لار­دى ءبىلۋ ءۇشىن بۇۇ قك دەلە­گاتسيا­سىنىڭ اۋعانستانعا ساپا­رىنىڭ ناتيجەلەرىمەن تانىس­تىردى.

«ەگەمەن-اقپارات»