استانانىڭ قورشاعان ورتانى قورعاۋ جانە تابيعات پايدالانۋ باسقارماسى ۆەلوسيپەد ترانسپورتىن دامىتۋ جوباسى مەن ينفراقۇرىلىمىن ازىرلەدى, وندا 47 شاقىرىم ۆەلوجولدىڭ قۇرىلىسى قاراستىرىلعان, دەپ حابارلايدى ەلوردا اكىمدىگىنىڭ رەسمي سايتى.
بريفينگتە استانا ءىىد اكىمشىلىك پوليتسياسىنىڭ كاپيتانى تيمۋر بايكەنجيەۆ: «وسى جىلى استانانىڭ سول جاعالاۋىندا 47 كم ۆەلوجول پايدا بولادى. ۆەلوجول قابانباي باتىر داڭعىلى بويىنشا, ماڭگىلىك ەل, رىسقۇلوۆ, قارقارالى تاس جولى مەن قوناەۆ, دوستىق, ماقاتاەۆ جانە ەسىل وزەنى جاعالاۋىن بويلاي سالىنادى. جالپى جوبا بەس كەزەڭ بويىنشا ىسكە اسىرىلادى, 2022 جىلعا دەيىن 1717 كم ۆەلوجول سالۋ جوسپارلانىپ وتىر», دەپ حابارلادى.
ۆەلوسيپەد جولى ۇركەر تك قاراما قارسى قورعالجىن تاس جولى (4 كم) مەن تۇران داڭعىلى بويىنشا كەرەي, جانىبەك حاندار كوشەسى جانە دوستىق كوشەسى ارالىعىندا (2,9 كم) سالىنادى.
اكىمشىلىك پوليتسيا قىزمەتكەرلەرى ۆەلوسيپەد جولاعى نەگىزگى جول جۇرەتىن ارنايى بەلگىلەر مەن جول بەلگىلەرىنىڭ جولاق قوزعالىسىنان بولەك بولاتىنىن ەسكەرتۋدە.
ۆەلوسيپەديستەرگە دە باسقا جول جۇرگىزۋشىلەرى سياقتى بەلگىلى تالاپتار تاراتىلادى. «ۆەلوسيپەدشىلەر ۆەلوسيپەد جولاعى بويىنشا ءجۇرۋى كەرەك, ال وڭ جاقتاعى جول بويىنشا ونىڭ ىشىندە مارشرۋتتى ترانسپورت جولاقتارىمەن, نەمەسە شەتپەن, تروتۋارمەن, جاياۋ جول جۇرگىنشىلەرى بويىنشا باسقالارعا قاۋىپ تۋدىرماۋى شارت», دەدى ت. بايكەنجيەۆ.
ونىڭ ۇستىنە, ۆەلوسيپەدشىلەر ءبىر قاتارمەن قوزعالۋى ءتيىس. ەگەر توپ اراسىنان باسىپ وزعىسى كەلسە اراقاشىقتىعى 80 نەمەسە 100 مەتردەن اسپاۋى قاجەت.
«ۆەلوسيپەد يەسىنە ءبىراز مىندەتتەمەلەر ارتىلادى. ەرەجە بۇزعان جاعدايدا قر اقبتك 615 بابى بويىنشا جاۋاپكەرشىلىككە تارتىلادى. ۆەلوسيپەديستەرگە قاتىستى تاعى ءبىر اكىمشىلىك اكت, ول ەرەجە بۇزعانىنا قاراي 2-دەن 20 اەك ايىپپۇل سالىنادى», - دەدى اكىمشىلىك پوليتسيا كاپيتانى.