پرەزيدەنت ن.نازارباەۆتىڭ «بولاشاققا باعدار: رۋحاني جاڭعىرۋ» اتتى باعدارلامالىق ماقالاسىنىڭ شەڭبەرىندە «جاڭا گۋمانيتارلىق ءبىلىم. قازاق تىلىندەگى 100 جاڭا وقۋلىق» جوباسى باستالعانى بەلگىلى.
بۇگىنگى تاڭدا ەلىمىزدىڭ ءبىلىم سالاسىندا كوپتەگەن جەتىستىكتەر بار. كوپتەگەن جوعارى وقۋ ورىندارى الەمدەگى باسەكەگە قابىلەتتى ءبىلىم وشاقتارىنىڭ قاتارىنا قوسىلدى.
سونىمەن قاتار ءبىزدىڭ جاستار الەمدەگى وزىق وقۋ ورىندارىندا ءبىلىم الىپ جاتىر. مەملەكەت باسشىسى ۇسىنعان اتالعان جاڭا جوبا بۇل جەتىستىكتەردىڭ زاڭدى جالعاسى. سايىپ كەلگەندە «جاڭا گۋمانيتارلىق ءبىلىم. قازاق تىلىندەگى 100 جاڭا وقۋلىق» – قوعامدىق سانانى جاڭعىرتۋدىڭ باستاۋى. اتالعان جوبانى جۇزەگە اسىرۋ جاس مامانداردى دايارلاۋدا جاڭا ساپالىق كەزەڭگە شىعۋعا مۇمكىندىك بەرەدى. جاڭا وقۋلىقتار بويىنشا ءبىلىم الاتىن ستۋدەنتتەرىمىز ءبىلىم سالاسىنداعى جاھاندىق باسەكەلەرگە توتەپ بەرەتىندىگىنە سەنىمدىمىن.
جوبا اياسىندا العاش بولىپ تۇساۋى كەسىلگەن 18 وقۋلىق – جاستاردىڭ مازمۇندى بولاشاعىنا جاسالعان ماڭىزدى قادام. ەندى ءبىزدىڭ ستۋدەنتتەر الەمنىڭ ماڭدايالدى عالىمدارىنىڭ ەڭبەكتەرىن ءوز انا تىلىندە وقي الادى. مەنىڭ ويىمشا, بۇل جوبانى جۇزەگە اسىرۋ ەلىمىزدىڭ الەمدەگى قارقىندى دامىعان وتىز مەملەكەتتىڭ قاتارىنا قوسىلۋىنا ايتارلىقتاي ىقپال ەتپەك.
تايسيا مارمونتوۆا, استانا قالالىق قازاقستان حالقى اسسامبلەياسى عىلىمي-ساراپتامالىق توبىنىڭ مۇشەسى