قوستاناي وبلىسىندا تاعى ءبىر بايىتۋ فابريكاسى اشىلادى

ينۆەستيتسيالىق جوبانىڭ قۇنى 800 ميلليون دوللاردى قۇرايدى. قازىر رەسەيدىڭ ەكاتەرينبۋرگ قالاسىنداعى جوبالىق ينستيتۋتتا ونىڭ جوبالىق-سمەتالىق قۇجاتتارى دايىندالىپ جاتىر. ءوندىرىس ماگنيتوگور مەتالل كومبيناتىنىڭ قاجەتىنە كەن جىبەرۋ ماقساتىندا جۇمىس ىستەيتىن بولادى. ال رۋدنىيداعى بايىتۋ فابريكاسى تەك «ارسەلور ميتتال تەميرتاۋ» كومپانياسىنىڭ قاجەتىن عانا وتەمەيدى, ول قىتايعا ءونىم شىعارۋعا باعىتتالعان.

جالپى العاشقى توقساننىڭ قورىتىندىسى بويىنشا, ەكنوميكانىڭ بارلىق سالالارى بويىنشا كورسەتكىشتەر كوڭىلدەن شىعادى. ونەركاسىپتىڭ فيزيكالىق كولەمىنىڭ يندەكسى 113,1 پايىزدى قۇرادى, ال ول اۋىل شارۋاشىلىعىندا 105 پايىز. نەگىزگى كاپيتالداعى ينۆەستيتسيا فيزيكالىق كولەمى يندەكسى 131 پايىز. «قوستاناي مينەرالدارى» اق اسبەست ءوندىرۋدى وتكەن جىلدارعا قاراعاندا 5-10 پايىزعا ارتتىرعان.

ءنازيرا جارىمبەت, «ەگەمەن قازاقستان»