ليساكوۆ قالاسىنىڭ ورتالىعىندا 15 مەترلىك بايتەرەك ورناتىلدى. ونىڭ قۇرىلىمىن جاساپ شىعارۋعا ماماندار بەس اي ۋاقىت جۇمسادى. كىشى «بايتەرەكتى» دايىنداۋعا جەرگىلىكتى «سپەتسستالكونسترۋكتسيا» جانە «ەكسكليۋزيۆستروي» كاسىپورىندارى دەمەۋشىلىك جاساپ, ءارى وزدەرى مونۋمەنتتى جاساپ شىعاردى.
«قالا اكىمى المات ىسماعۇلوۆ كاسىپكەرلەرگە «رۋحاني جاڭعىرۋ» باعدارلاماسى اياسىندا جانە استانانىڭ 20 جىلدىعى قۇرمەتىنە وسى جوبانى جاساۋدى ۇسىندى. كىشى «بايتەرەكتى» جاساۋعا قالاداعى وزگە كاسىپورىندار دا قول ۇشىن سوزدى. ونى اينالدىرعان ەكى كۇننىڭ ىشىندە قۇراستىرىپ, ناۋرىز مەيرامىندا قالالىقتارعا تارتۋ ەتتى» دەيدى ليساكوۆ قالاسى اكىمىنىڭ ءباسپاسوز حاتشىسى ماكسيم سۋشكو.
«بايتەرەك» بۇرىن قالانىڭ جارنامالار ءىلىنىپ تۇراتىن الاڭدى جانداندىرا ءتۇستى, جاڭا ءتۇر بەردى. ون بەس مەترلىك مونۋمەنت قالانىڭ بارلىق شالعايىنان كورىنىپ, اسقاقتاپ تۇرادى. وعان ماماندار ءتۇرلى-ءتۇستى شام وتكىزگەندىكتەن, ول قاس قارايعاندا تۇرلەنىپ, قۇبىلىپ سالا بەرەدى.
ءنازيرا جارىمبەت,
«ەگەمەن قازاقستان»