ورتالىق كوممۋنيكاتسيالار قىزمەتىندە قازاقستان ەكونوميكاسىنداعى ەڭ وزەكتى تاقىرىپ – مۇناي-گاز جوبالارىنىڭ ىسكە اسىرىلۋى بويىنشا ءباسپاسوز ءماسليحاتى ءوتتى. جيىنعا بارىسىندا قازاقستان مۇناي-سەرۆيس كومپانيالار وداعىنىڭ تورالقا توراعاسى راشيد جاقسىلىقوۆ اتقارىلىپ جاتقان جۇمىستارعا تولىعىراق توقتالىپ ءوتتى.
«وسىدان 7-8 اي بۇرىن سىزدەرمەن جولىققانىمىزدا ءبىز باتىس وڭىرىمىزدەگى مۇناي-گاز سالاسىندا بولىپ جاتقان وزگەرىستەر جونىندە جانە بولاشاقتا ىسكە اساتىن جوبالار جونىندە بايانداعان بولاتىنبىز. سول كەزدە ماقساتىمىز نەعۇرلىم قازاقستاندىق نەگىزدى نىعايتۋ جانە وتاندىق كومپانيالاردىڭ سول جوبالارعا ات سالىسىپ, باستى رولدە ويناۋىنا ىقپال ەتەمىز دەگەنبىز. ءيا بۇگىنگى تاڭدا ۇلكەن «تەڭىزشەۆرويل» كومپانياسىنىڭ ءۇشىنشى زاۋىتى جۇمىسىن تولىق قاندى باستادى. العاشقى ۇلكەن ءتورت تەندر ويناتىلدى. ونىڭ ەكەۋىنىڭ جەڭىمپازى بەلگىلى بولدى. قالعان ەكەۋى مامىر ايىنا قالىپ وتىر. ماقتانىشپەن ايتاتىن تاعى ءبىر جايت, وزدەرىڭىزگە بەلگىلى ءىرى جوبالارعا ءبىزدىڭ وتاندىق كومپانيالار ءۇش سەبەپپەن قاتىسا المايدى. سەبەبى, بىرىنشىدەن لوتتار وتە ۇلكەن. ميلليارد دوللور توڭىرەگىندە. تەندر تالابى بويىنشا سول سۋممانىڭ 30 پايىزىن كەپىلدىككە بەرۋ كەرەك. ونداي كەپىلدىك بەرە قوياتىن ءبىزدىڭ كومپانيالاردىڭ قارجىلاي مۇمكىندىگى جوق بولعاندىقتان ءبىز شەتەلدىك كومپانيالارمەن كونسورتسيۋم قۇرۋ باعىتىن قولعا العانبىز. سول كونسورتسيۋمداردىڭ ىشىندە «اسار» دەگەن كونسورتسيۋم ءتورت جوبانىڭ بىرەۋىن ۇتىپ الدى. بۇل قازاقستاننىڭ جانە وتاندىق كومپانيالاردىڭ جەڭىسى دەپ باعالاۋعا بولادى. جانە دە زاۋىت سالىنىپ بىتكەننەن كەيىن ونى ىسكە قوسۋ پروتسەسى جۇرەدى. بۇل جەردە دە قازىرگى تاڭدا اعىلشىن كومپانياسىمەن قازاقستاندىق كومپانيالاردىڭ باسىن قوسىپ, «مۇرا» دەگەن ۇلكەن كونسورتسيۋم قۇرۋ جۇمىسىن باستاپ كەتتىك. بۇل جۇمىس ەكى جىلدان كەيىن ىسكە قوسىلادى», دەدى ر.جاقسىلىقوۆ.
سونىمەن قاتار ول بۇگىنگى تاڭدا قازاقستاندىق نارىقتا «تەڭىزشەۆرويل», «كاراچاگاناك وپەرەيتينگ كومپاني» جانە «نورت كاسپيان وپەرەيتينگ كومپاني» ىسپەتتەس ءۇش ءىرى وپەراتورلار ورتاق بيۋدجەتى 45 ملرد. دوللاردى قۇرايتىن اۋقىمدى مۇناي-گاز جوبالارىن ىسكە اسىرىپ جاتقانىن تىلگە تيەك ەتتى.
«جاقىن ارادا باتىس وڭىرىمىزدە 45 ملرد. دوللارىنا تۇراتىن ۇلكەن جوبالارعا جۇمىس باستالادى. سوعان ەلىمىزدىڭ شالعاي جاتقان باسقا وڭىرىندەگى كومپانيالاردا ات سالىسىپ, شاماسى كەلگەنشە وزدەرىنىڭ مۇمكىندىگىن پايدالانىپ, سول جۇمىستارعا ارالاسىپ, ازاماتتىق جۇمىستان ارىلىپ, وندىرىستىك جۇمىسقا بەت بۇرسا دەيمىز. قازىرگى تاڭدا مۇناي-گاز سالاسىنىڭ وندىرىسىنە قىزمەت كورسەتىپ جۇرگەن كومپانيالاردىڭ دامۋىنا تاعى دا قانداي ىقپال ەتە الامىز دەگەن ماقسات توڭىرەگىندە جۇمىس جاساۋدامىز», دەدى ول.
«Logic Services Kazakhstan» كومپانياسىنىڭ باسشىلار كەڭەسىنىڭ توراعاسى سەربولات شوراەۆ «Logic Services» دەگەن مەكەمەنى 2010 جىلى اۆستراليالىق «Logic» دەگەن كومپانياسىمەن بىرلەسىپ اتىراۋ قالاسىندا قۇرعانىن اتاپ ءوتتى.
«سول ۋاقىتتان بەرى ءىرى, ۇلكەن, ورتا ماسشتابتاعى جوبالاردان تورتەۋىن بىتىردىك. «قاشاعان» جوباسىنىڭ سوڭىنا قاراي كەلدىك. سول جوبامەن جۇمىس باستادىق. قازىر ءوزىمىزدىڭ ەسەبىمىز بويىنشا قارايتىن بولساق, ءبىزدىڭ قولىمىزدان 12 مىڭ ادام جۇمىس تاپقان ەكەن», دەدى ول.
راۋان قايدار, «ەگەمەن قازاقستان»