ەلباسى نۇرسۇلتان نازارباەۆتىڭ بيىلعى ء«تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» اتتى جولداۋىندا كورسەتكەن 10 مىندەتتىڭ جەتىنشىسى «ادامي كاپيتال – جاڭعىرۋ نەگىزى» دەپ اتالادى. شىندىعىندا, كەز كەلگەن الەۋمەتتىك فورماتسياداعى باستى كاپيتال – ادام. ادامزات تابيعي دامۋ كەزەڭىندە, ءومىردىڭ بارلىق ساتىلارى, باعىتتارى مەن سالالارىندا ءوسۋ مەن جاڭعىرۋدىڭ جولىندا بولماسا, بۇل كەزدە دۇنيە قازىرگىدەي دامۋ مۇمكىندىگىنە يە بولماس ەدى.
«ادامي كاپيتال – جاڭعىرۋ نەگىزى» دەي وتىرىپ مەملەكەت باسشىسى «بارلىق جاستاعى ازاماتتاردى قامتيتىن ءبىلىم بەرۋ ىسىندە ءوزىمىزدىڭ وزىق جۇيەمىزدى قۇرۋدى جەدەلدەتۋ قاجەت. ءبىلىم بەرۋ باعدارلامالارىنىڭ نەگىزگى باسىمدىعى وزگەرىستەرگە ۇنەمى بەيىم بولۋ جانە جاڭا ءبىلىمدى مەڭگەرۋ قابىلەتىن دامىتۋى ءتيىس», دەپ ءبىلىم بەرۋ ۇيىمدارىنىڭ بارشا قىزمەتكەرلەرىنە باعىت-باعداردى ايقىنداپ بەرىپ وتىر. نۇرسۇلتان ءابىش ۇلى 2015 جىلدىڭ 30 قاڭتارىنداعى جولداۋىندا دا «بارشاعا ارنالعان تەگىن كاسىپتىك-تەحنيكالىق ءبىلىم» جوباسىن 2017 جىلدان باستاپ ىسكە اسىرۋدى تاپسىرعان ەدى. قازىرگى تاڭدا قىزىلوردا وبلىسىندا 30 كوللەدجدىڭ 23-ءى وسى جوبانى ىسكە اسىرۋدى باستادى. ونىڭ ىشىندە 12 مەملەكەتتىك جانە 11 مەملەكەتتىك ەمەس وقۋ ورىندارى جاستاردى تەگىن جۇمىسشى ماماندىعى بويىنشا وقىتۋدا.
ەلباسىنىڭ تاپسىرماسىنا سايكەس 2017-2018 وقۋ جىلىندا جەرگىلىكتى جانە رەسپۋبليكالىق بيۋدجەت ەسەبىنەن مەملەكەتتىك تاپسىرىس كولەمى 4603 ورىن بولىپ بەلگىلەندى. ونىڭ ىشىندە جۇمىسشى ماماندىقتارى بويىنشا رەسپۋبليكالىق بيۋدجەت ەسەبىنەن «ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان باعدارلاماسى» نەگىزىندە 1515 ورىن, جەرگىلىكتى بيۋدجەت ەسەبىنەن 1675 ورىن, بارلىعى 3190 ورىن ءبولىندى. وسى جوبا شەڭبەرىندە ستۋدەنتتەر 28 ماماندىقتىڭ 42 بىلىكتىلىگى بويىنشا ءبىلىم الۋدا.
اتالعان تاپسىرما اياسىندا ءبىزدىڭ م.ىقسانوۆ اتىنداعى قىزىلوردا پوليتەحنيكالىق كوللەدجىنە 4 جۇمىسشى بىلىكتىلىگى بويىنشا 100 ورىن مەملەكەتتىك تاپسىرىس ءبولىنىپ, ستۋدەنتتەر ءبىلىم الۋدا.
وبلىسىمىزدىڭ تەحنيكالىق جانە كاسىپتىك ءبىلىم بەرەتىن وقۋ ورىندارى قازىرگى تاڭدا شىن مانىندەگى ء«تورتىنشى ونەركاسىپتىك رەۆوليۋتسيا داۋىرىندە, تەحنولوگيالىق, ەكونوميكالىق جانە الەۋمەتتىك سالالارداعى تەرەڭ جانە قارقىندى وزگەرىستەر كەزەڭىندە» جۇمىس ىستەپ, قىزمەت ەتەتىن جاستاردى وقىتۋ مەن تاربيەلەۋدىڭ جولىندا ايانباي ەڭبەك ەتىپ كەلەدى. وسى جولداۋ اياسىنداعى ەلباسىمىزدىڭ «جۇمىس بەرۋشىلەردى تارتۋ ارقىلى جانە حالىقارالىق تالاپتار مەن تسيفرلى داعدىلاردى ەسكەرە وتىرىپ, تەحنيكالىق جانە كاسىپتىك ءبىلىم بەرۋ باعدارلامالارىن جاڭارتۋ كەرەك» دەگەن تاپسىرماسى ءبىلىم بەرۋ ۇيىمدارىنا ۇلكەن مىندەتتەر جۇكتەيتىنىن جاقسى تۇسىنەمىز. اتالعان باعىتتا كوللەدج ۇجىمى ەڭبەك نارىعىنىڭ زاماناۋي تالاپتارىنا تولىققاندى جاۋاپ بەرەتىن, باسەكەگە قابىلەتتى جۇمىسشى ماماندارىن دايارلاۋ ءىسىن جاڭا ساتىعا كوتەرۋ ماقساتىندا وقۋ-تاربيە ۇدەرىسىنە جاھاندىق تاجىريبەدە قولدانىسقا يە دۋالدى وقىتۋ مەن مودۋلدىك باعدارلامالار نەگىزىندە ءبىلىم بەرۋ جۇيەلەرىنە كوشۋدى باستادى. جۇمىس بەرۋشى سەرىكتەستەر مەن ستۋدەنتتەردىڭ اتا-انالارىنان قۇرالعان وكىلدەر كوللەدجدىڭ قامقورشىلىق كەڭەسى ارقىلى ءبىلىم ساپاسىن باقىلاۋعا جانە ونى ارتتىرۋعا باعىتتالعان ءىس-شارالارعا تولىققاندى قاتىسۋعا قول جەتكىزدى.
وقۋ ورنىنىڭ ماتەريالدىق-تەحنيكالىق بازاسى دا وبلىس باسشىلارىنىڭ قامقورلىعى ارقاسىندا جىل ساناپ جاڭالانىپ, جاڭعىرىپ كەلەدى. 2017 جىلى كوللەدجىمىز 82,0 ميلليون تەڭگەگە كۇردەلى جوندەۋدەن ءوتتى.
پرەزيدەنت ن.ءا.نازارباەۆ ء«وزىنىڭ تاريحىن, ءتىلىن, مادەنيەتىن بىلەتىن, سونداي-اق زامانىنا لايىق, شەت تىلدەرىن مەڭگەرگەن, وزىق ءارى جاھاندىق كوزقاراسى بار قازاقستاندىق ءبىزدىڭ قوعامىمىزدىڭ يدەالىنا اينالۋعا ءتيىس», دەدى. بۇل جاستارعا ساپالى ءبىلىم مەن سانالى تاربيە بەرۋ جۇمىستارىن تۇبەگەيلى قايتا قاراپ, الەمدىك وزىق ۇلگىلەردى ءوز تاجىريبەمىزگە ەنگىزۋگە مىندەتتەيدى دەپ ويلايمىن.
باقىت كەنباەۆ, اۋىل شارۋاشىلىعى عىلىمدارىنىڭ دوكتورى, پروفەسسور