قاراعاندىداعى وبلىستىق تاريحي-ولكەتانۋ مۇراجايىندا كەنشىلەر استاناسىنىڭ تۋعان كۇنىنە ورايلاستىرىلعان «قازىنالى, كەندى قالا» اتتى كورمە ءوتىپ جاتىر. شارا «رۋحاني جاڭعىرۋ» باعدارلاماسى اياسىندا ۇيىمداستىرىلعان.
كورمەگە بيىل قۇرىلعانىنا 84 جىل بولعان قاراعاندىنىڭ قالىپتاسۋ كەزەڭدەرىنەن سىر شەرتەتىن مۇراعات قۇجاتتارى مەن ماتەريالدار مولىنان قويىلعان. جۇرت نازارىنا ۇسىنىلعان جادىگەرلەر اراسىندا شاحتەرلەردىڭ قۇرال-سايماندارى, سوعىس جىلدارىنداعى جانە كەڭەس زامانىنداعى ءتۇرلى تۇرمىستىق زاتتار دا كوپتەپ كەزدەسەدى.
كورمە اشىلعان كۇنى «دالاداعى قالا» اتتى دوڭگەلەك ۇستەل ۇيىمداستىرىلىپ, ونىڭ قاتىسۋشىلارى قاراعاندى قالاسىنىڭ تاريحىنا قاتىستى قۇندى دەرەكتەردى ورتاعا سالدى. مىسالى, العاشقى قوعامدىق عيماراتتار قاراعاندىنىڭ «ەسكى قالا» دەپ اتالاتىن اۋماعىندا سالىنا باستاپتى. ال «جاڭا قالا» اۋماعىنىڭ قۇرىلىسى 1935-1936 جىلدارى قولعا الىنعان. الدىمەن تاۋ-كەن تەحنيكۋمى, وبلىستىق اتقارۋ كوميتەتىنىڭ عيماراتى, «وكتيابر» كينوتەاترى سالىنىپتى. ودان كەيىن جازعى تەاتر, كەنشىلەردىڭ مادەنيەت سارايى بوي كوتەرگەن.
«قازىنالى, كەندى قالا» كورمەسىنىڭ ەسىگى كەلەم دەۋشىلەرگە 15 اقپانعا دەيىن اشىق بولادى.
قايرات ءابىلدا,
«ەگەمەن قازاقستان»
قاراعاندى