قازاقستان رەسپۋبليكاسى قىلمىستىق كودەكسىنىڭ 176-بابى 3-بولىگىنىڭ “ب” تارماعىنا سايكەس جاساعان قىلمىستارى ءۇشىن قىلمىستىق قۋدالاۋ ورگانىنىڭ ىزدەۋىندە جۇرگەن ك.ا. ءۋاليحانوۆ جانە گ.ك. ءۋاليحانوۆ 2010 جىلدىڭ 1 قاڭتارىندا تايلاند كورولدىگىنىڭ اۋماعىندا ۇستالدى.
اتالعان تۇلعالار الدىن-الا كەلىسىپ, استانا قالاسىندا ورنالاسقان ءتۇرلى كوممەرتسيالىق ۇيىمداردىڭ باسشىلارى رەتىندە 2006 - 2008 جىلدار ارالىعىندا “شىمبۇلاق”, “بەيبىتشىلىك”, “ۆوزروجدەنيە”, “قۇلان” تۇرعىن ءۇي كەشەندەرىنىڭ 470-تەن استام سالىمشىلارىنىڭ 2 ميلليارد تەڭگەدەن استام اقشالاي قاراجاتتارىن يەلەنىپ, ىسىراپ ەتكەن. وسىعان وراي قازاقستان رەسپۋبليكاسىنىڭ باس پروكۋراتۋراسى ىزدەۋدە جۇرگەندەردى ەكستراديتسيالاۋ ماسەلەلەرى بويىنشا ۋاكىلەتتى ورگان رەتىندە قر ءىىم ينتەرپول ۇلتتىق ورتالىق بيۋروسىمەن, قر قارجى پوليتسياسى اگەنتتىگىمەن جانە قر سىرتقى ىستەر مينيسترلىگىنىڭ قازاقستان رەسپۋبليكاسىنىڭ بانگكوكتاعى (تايلاند) ديپلوماتيالىق ميسسياسىمەن بىرلەسە وتىرىپ, ۇستالعان ازاماتتاردى قىلمىستىق جاۋاپكەرشىلىككە تارتۋ جانە جابىرلەنۋشىلەردىڭ بۇزىلعان قۇقىقتارىن قالپىنا كەلتىرۋ ءۇشىن قازاقستان اۋماعىنا جەتكىزۋگە بارلىق قاجەتتى شارالاردى قابىلدادى.
قازاقستاننىڭ مەملەكەتتىك ورگاندارىنىڭ بىرلەسكەن جۇمىستارىنىڭ ناتيجەسىندە جانە تايلاندتىق بيلىك وكىلدەرىنىڭ كومەكتەسۋىمەن 2010 جىلعى 4 اقپاندا ءۋاليحانوۆتار بانگكوكتان قازاقستان اۋماعىنا جەتكىزىلدى. ەندى بۇلارعا قاتىستى قىلمىستىق ءىستى تەرگەۋدى قارجى پوليتسياسى ورگاندارى جۇزەگە اسىراتىن بولادى.
قازاقستان رەسپۋبليكاسى باس پروكۋراتۋراسىنىڭ ءباسپاسوز قىزمەتى.