قوستاناي وبلىستىق بالالار ءۇيى جابىلىپ, ونداعى بالالار رۋدنىي قالاسىنداعى بالالار ۇيىنە ورنالاستىرىلادى.
165 ورىندىق بولاتىن وبلىستىق بالالار ۇيىندە بۇعان دەيىن 52 بالا تۇرىپ جاتقان بولاتىن. ونىڭ 20-سى بىلتىر بىتىرگەن تۇلەكتەر ەكەنىن ەسەپتەسەك, ۇلكەن عيماراتتا 32 جەتىم بالا عانا قالعان. سوندىقتان وبلىستىق ءبىلىم بەرۋ باسقارماسى ەكى مەكەمەدەگى بالالاردى قوسۋدى ءتيىمدى دەپ تاپتى. رۋدنىي قالاسىنداعى 280 ورىندىق بالالار ۇيىندە 170 ادام بار, ونىڭ دا 30- ى تۇلەكتەر. وعان قوستانايدان بارعان بالالار تولىق سىيادى. وتكەن جىلى فەدوروۆ اۋدانى ورتالىعىنداعى بالالار ءۇيى جابىلعان بولاتىن. ونداعى بالالاردىڭ بارلىعىن وتباسىلار قامقورلىعىنا الدى.
ەندى وبلىس ورتالىعىنداعى بوساعان عيماراتقا №2 تۇزەتۋ مەكتەپ-ينتەرناتى كوشەدى, ال ونىڭ عيماراتىندا «وزات» دارىندى بالالارعا ارنالعان مەكتەپتىڭ بازاسىندا اشىلاتىن ءىت-تەحنولوگيا مەكتەپ-ليتسەي-ينتەرناتى ورنالاسادى.
ء نازيرا جارىمبەت
«ەگەمەن قازاقستان»
قوستاناي