ادەبيەتتىڭ اڭگىمەسى: شاكارىمتانۋ تاعىلىمى

اتالعان جۋرنالدىڭ ءتۇرلى-ءتۇستى بوياۋمەن بەزەندىرىلگەن نە­گىزگى بەتتەرى كەمەڭگەر تۇل­عانىڭ عۇمىربايانىنان ەرەكشە ورىن الاتىن كيەلى جەر­لەردىڭ فوتوسۋرەتتەرىمەن, اقىن­نىڭ اقتالۋىنا بايلانىستى تابىلعان دەرەك پەن دايەككە تولى قۇجاتتارمەن جاقىنىراق تانىسۋعا مۇمكىندىك بەرەدى. 120 بەتتەن تۇراتىن باسىلىمداعى عىلىمي ماقالالار مەن زەردەلى زەرتتەۋلەر شاكارىم ولەڭدەرىنىڭ ءبىر-ءبىر تارماعى بويىنشا تاقى­رىپشا بولىپ, ارناۋلى 10 تاراۋعا ءبولىنىپ بەرىلۋى ىزدەنۋشى وقىرمان ءۇشىن ۇلكەن پايداسىن تيگىزىپ, ىڭعايىنا قاراي جەڭىل وقىلادى.

العاشقى «ادامدىق بورى­شىڭ – حالقىڭا ەڭبەك قىل» تاراۋىنداعى اباي قورىق-مۋزەيى­نىڭ ديرەكتورى بولات جۇنىس­بەكوۆتىڭ «كەلەشەكپەن تىل­دەس­كەن كەمەڭگەر» اتتى ماقا­لاسى تۇتاستاي شاكارىم قۇداي­بەر­دى ۇلىنا ارنالىپ جارىققا شىعىپ وتىرعان جۋرنال سانىنىڭ العىسوزى ىسپەتتى باسىلىپ, اۆ­توردىڭ اقىن ولەڭدەرىنە, جالپى شىعارماشىلىعى تۋرالى يدەياسى وقىرمانعا وي سالادى.

وسى ايدارداعى «قازاق» گازەتىنىڭ 1915 جىلعى 22 ساۋىردەگى №121 سانىندا جاريالانعان الاش ارىسى ءاليحان بوكەيحاننىڭ «قال­قامان-مامىر» اتتى ماقا­لاسىن سول داۋىردەگى شاكارىمنىڭ «قال­قامان-مامىر» پوەماسى­مەن قاتار جالپى اقىن شىعار­ماشىلىعىنا بەرىلگەن ەڭ العاش­قى لايىقتى باعا, سوعان قوسا زيالى قاۋىم وكىلدەرىنىڭ پاراساتتى پىكىرى ەسەبىندە قابىلداۋعا بولادى. وسى ايدارداعى بەلگىلى ادەبيەتتانۋشى عالىم, پروفەسسورلار اراپ ەسپەنبەتوۆتىڭ « ۇلىلىقتى تانۋعا ۇمتىلىس» جانە بالتاباي ابدىعازي ۇلىنىڭ «شا­كارىمتانۋ: ىزدەنىستەر مەن جەتىستىكتەر» اتتى ماقا­لالا­رى ارقىلى شاكارىم قۇداي­بەر­دى ۇلىنىڭ اقتالعاننان بەرى شىعارماشىلىعىنىڭ حالىققا جەتۋى, تارالۋى مەن ادەبيەت سالاسىنداعى اقىن مۇراسىنىڭ زەرتتەلۋى حاقىندا تانىمدىق دۇنيەلەرگە قانىعۋعا بولادى. 

قىزىعۋشىلىق تانىتقان وقىرماندار عاريفوللا ەسىمنىڭ «سولون جانە شاكارىم», مەكەم­تاس مىرزاحمەت ۇلىنىڭ «شا­كارىمدەگى جانتانۋ ءىلىمى», سيرت ۋنيۆەرسيتەتىنىڭ (تۇركيا) فيلوسوفيا دوكتورى (PhD) يلياس ەرپايدىڭ ء«دىن تازاسىن دىننەن ىزدە» ماقالالارىمەن بىرگە ويشىل شاكارىمنىڭ فيلوسوفياسىنا ۇڭىلە الادى.

قۋات قيىقباي,  ابايدىڭ «جيدەباي-ءبورىلى» قورىق-مۋزەيىنىڭ عىلىمي قىزمەتكەرى