قازاقستاننىڭ رەسەيدەگى ەلشىسى يمانعالي تاسماعامبەتوۆ رف سىرتقى ىستەر ءمينيسترى سەرگەي لاۆروۆپەن كەزدەستى, دەپ حابارلادى ەلشىلىكتىڭ ءباسپاسوز قىزمەتى.
"ماسكەۋدە تمد ەلدەرىنىڭ ەلشىلەرىن قابىلداۋ ءداستۇرلى شاراسى اياسىندا سەرگەي لاۆروۆ يمانعالي تاسماعامبەتوۆپەن كەزدەستى. وندا 2017 جىلدىڭ قورىتىندىسى شىعارىلىپ, ءوزارا سەرىكتەستىكتى ارتتىرۋدىڭ الداعى جوسپارى تالقىلاندى", دەلىنگەن حابارلامادا.
سونىمەن قاتار كەزدەسۋ بارىسىندا تمد-داعى ينتەگراتسيالىق پروتسەستەردى دامىتۋ ماسەلەسى دە تالقىلاندى.