ەلباسى نۇرسۇلتان نازارباەۆ 2017 جىلدىڭ جەلتوقسان ايىندا وتاندىق بۇقارالىق اقپارات قۇرالدارىنىڭ وكىلدەرىمەن جىل قورىتىندىسى بويىنشا وتكىزگەن كەزدەسۋىندە 2018 جىلدىڭ 10 قازانىندا بولاتىن الەمدىك جانە ءداستۇرلى دىندەر كوشباسشىلارىنىڭ VI سەزىنە دايىندىق جۇمىستارىنىڭ قازاقستان ءۇشىن ماڭىزدى ەكەنىن اتاپ وتكەنى ءمالىم.
مەملەكەتىمىز ءتۇرلى قاقتىعىستاردىڭ بەلەڭ الۋىنا جول بەرمەۋ, الەمنىڭ تۇراقتىلىعى مەن قاۋىپسىزدىگىن نىعايتۋ جانە جاھاندىق داۋلاردىڭ شەشىمىن بىرىگە ىزدەۋ ماقساتىندا بارلىق ءدىني, رۋحاني كوشباسشىلاردى ءبىر ۇستەلدىڭ باسىنا ءداستۇرلى تۇردە جيناپ كەلەدى. وسىلايشا جاڭا قازاقستان تاريحىنداعى ماڭىزدى وقيعالاردىڭ ءبىرى رەتىندە الەمدىك جانە ءداستۇرلى دىندەر ليدەرلەرىنىڭ سەزى ۇلتتىق اۋقىمدى جوباعا اينالدى.
2003 جىلى الماتىدا وتكەن حالىقارالىق بەيبىتشىلىك جانە كەلىسىم كونفەرەنتسياسىندا ەلباسىمىز العاش رەت بارلىق ادامزات ءۇشىن داۋسىز جانە قاۋىپسىز بولاشاقتى دامىتۋ جولدارىن تالقىلاۋعا بارشا رۋحاني يەرارحتاردىڭ استانادا جينالۋىن ۇسىندى.
الەمدىك جانە ءداستۇرلى دىندەر كوشباسشىلارىنىڭ سەزىن وتكىزۋ تاۋەلسىز مەملەكەتىمىزدىڭ ستراتەگيالارىنىڭ بىرىنە اينالعانىن اتاپ ءوتۋ قاجەت. ۋاقىتتىڭ ءوزى كورسەتكەندەي, زايىرلى مەملەكەت باسشىسى وزىنە جانە ءوز وتانداستارىنا دىنارالىق ۇنقاتىسۋدى قامتاماسىز ەتۋدى جۇكتەدى. بۇل يدەيا بىردەن ءوز جۇيەسىن تاپتى جانە بارلىق كورنەكتى ساياساتكەرلەر مەن الەمنىڭ جەتەكشى دىندەر باسشىلارىنىڭ قولداۋىنا يە بولدى. سونىمەن 2003 جىلدان الەمدىك جانە ءداستۇرلى دىندەر ليدەرلەرىنىڭ سەزى سىندى اسا بەدەلدى سۇحبات الاڭىنىڭ تاريحى باستالدى.
دىنارالىق العاشقى سامميت ەۋروپانىڭ, ازيانىڭ, افريكانىڭ جانە تاياۋ شىعىستىڭ 13 ەلىنىڭ ءدىني قايراتكەرلەرى مەن قۇرمەتتى قوناقتارىن جينادى. دەلەگاتتار ادامي قۇندىلىقتاردى ساقتاۋعا, سونداي-اق بەيبىتشىلىكتى نىعايتۋعا بايلانىستى وتە ماڭىزدى, جاھاندىق ماسەلەلەردى تالقىلادى.
دىنارالىق سامميت جەتىستىكتەرىنىڭ ءبىرى – سەزدىڭ ەرەجەلەرىن بەلگىلەۋ تۋرالى ءى سەزدىڭ شەشىمىمەن ءار ءۇش جىلدا ءبىر رەت دىنارالىق فورۋم وتكىزۋ بەكىتىلدى.
I سەزد وتكەلى شامامەن 15 جىل ءوتتى. وسى قىسقا تاريحي ولشەم ىشىندە بەس سەزد ۇيىمداستىرىلدى. ولارعا يسلام, حريستيان, يۋدايزم, بۋدديزم, سينتويزم, داوسيزم جانە باسقا دا ءداستۇرلى ءدىن وكىلدەرى قاتىستى. ولاردىڭ اراسىندا سەنىم مەن ءوزارا قۇرمەتكە نەگىزدەلگەن وڭتايلى بايلانىستار بىرتىندەپ نىعايىپ كەلەدى.
ەلباسىنىڭ باستاماسىمەن استانا قالاسىندا سەزدەردى وتكىزۋ ءۇشىن بەيبىتشىلىك جانە كەلىسىم سارايى بوي كوتەردى. دىنارالىق ءسامميتتىڭ جۇمىس ورگانى مەن قۇرىلىمى, سەزد حاتشىلىعى جانە ونىڭ جۇمىس توبى – مادەنيەتتەر مەن دىندەردىڭ حالىقارالىق ورتالىعى قۇرىلدى.
الەمدىك جانە ءداستۇرلى دىندەر كوشباسشىلارى سەزىنىڭ قۇرمەت مەدالى جانە سەزگە قاتىستى ەكسپوناتتاردى جيناۋ, ساقتاۋ جانە كورسەتۋدى كوزدەيتىن بەيبىتشىلىك جانە كەلىسىم مۇراجايىنىڭ قۇرىلۋى تۋرالى ن.ءا.نازارباەۆتىڭ باستاماسى سەزد قاتىسۋشىلارىنىڭ قولداۋىنا يە بولدى. جاقىن ارادا بەيبىتشىلىك جانە كەلىسىم سارايىنىڭ بازاسىندا بەيبىتشىلىك پەن كەلىسىم مۇراجايىنىڭ اشىلۋ شاراسى وتكەلى وتىر.
وتكەن جىلدىڭ 2 ماۋسىمىندا قازاقستان پرەزيدەنتى ن.ءا.نازارباەۆ الەمدىك جانە ءداستۇرلى دىندەر كوشباسشىلارى سەزىنىڭ قۇرمەت مەدالى مەن دىنارالىق سۇحباتتاستىققا قوسقان ۇلەسى ءۇشىن حالىقارالىق سىيلىعىن تاعايىنداۋ تۋرالى جارلىققا قول قويدى.
قازىرگى ۋاقىتتا ءبىز 2018 جىلدىڭ 10 قازانىندا وتەتىن VI سەزگە دايىندىق جۇمىستارىن اتقارىپ جاتىرمىز. الداعى ءسامميتتىڭ باستى تاقىرىبى – ء«دىني ليدەرلەر قاۋىپسىز الەم ءۇشىن».
ايدار ءابۋوۆ,
ءدىن ىستەرى جانە ازاماتتىق قوعام مينيسترلىگى
ءدىن ىستەرى كوميتەتى مادەنيەتتەر مەن دىندەردىڭ حالىقارالىق ورتالىعىنىڭ ديرەكتورى