وڭتۇستىك قازاقستان وبلىسىنىڭ اكىمى جانسەيىت تۇيمەباەۆ وڭىردەگى ءىرى جوبالارعا ينۆەستيتسيا سالۋعا نيەت بىلدىرگەن گەرمانيا مەن گوللانديا ەلدەرىنەن كەلگەن ينۆەستورلارمەن كەزدەستى, دەپ حابارلايدى وقو اكىمدىگىنىڭ ءباسپاسوز قىزمەتى.
كەزدەسۋدە شەتەلدىك كاسىپكەرلەردىڭ جوباسىمەن تانىسقان وبلىس باسشىسى ايماقتىڭ ەكونوميكالىق الەۋەتىن بايانداپ, ينۆەستورلارعا مەملەكەت تاراپىنان كورسەتىلەتىن جەڭىلدىكتەردى اتاپ ءوتتى.
ء«ۇش ميلليونعا جۋىق حالقى بار ءوڭىر ءۇشىن بۇل جوبا وتە قاجەت جانە وتە ءتيىمدى. سەبەبى, ءبىز ەلەكتر ەنەرگياسىنىڭ 65 پايىزىن سىرتتان تاسىمالداپ وتىرمىز. ءوڭىر تۇرعىندارىنىڭ قاجەتتىلىگى جاز ايلارىندا 350-370 مۆت بولسا, قىس مەزگىلىندە 450-480 مۆت ەلەكتر ەنەرگياسىن تۇتىنادى. سوندىقتان دا ءبىز قاجەتتىلىكتى وزىمىزدە ءوندىرۋ ءۇشىن وسىنداي جوبالاردى جۇزەگە اسىرۋىمىز قاجەت. ءوڭىردىڭ تابيعاتى كۇن ساۋلەسىنەن ەلەكتر جارىعىن وندىرۋگە وتە قولايلى», - دەدى اكىم.
ماقتاارال اۋدانىندا ەكى كۇن ەلەكتر ستانساسى مەن اسفالت-بەتون زاۋىتىن سالۋدى قولعا الىپ جاتقانىن ايتقان شەتەلدىك كاسىپكەرلەر جەرگىلىكتى بيلىك ءتيىستى قۇجاتتاردى راسىمدەۋدە قولايلى جاعداي جاساعانىن جەتكىزدى.
ال كۇن ەلەكتر ستانساسى جوباسىنا گەرمانيالىق NwComp Solar GmbH كومپانياسى 7 ملن ەۆرو ينۆەستيتسيا قۇيىپ وتىرعانىن جەتكىزگەن «كومپانيا KADI» جشس-نىڭ باس ديرەكتورى مۇرات داۆرەشوۆ كومپانيا قازاقستاندا بىرقاتار جوبالاردى جۇزەگە اسىرعانىن ءمالىم ەتتى.
جەتىساي قالاسىنىڭ قوقىس پوليگونى اۋماعىندا سالىناتىن ەلەكتر ستانساسىنىڭ قۋاتتىلىعى – 4,8 مۆت. بۇگىنگى تاڭدا رۇقسات بەرۋ قۇجاتتامالارى ازىرلەنىپ, قۇرىلىس جۇمىستارى وسى جىلدىڭ قاراشا ايىندا باستالادى دەپ جوسپارلانۋدا.
ەكىنشى جوبانىڭ ينۆەستورى – گوللانديالىق VTK Investments B.V كومپانياسى. اۋداننان 100 مۆت كۇن ەلەكتر ستانساسىن سالۋ بويىنشا ەكى جاقتى مەموراندۋمعا قول قويىلعان بولسا, بۇگىندە 300 گا جەر ءبولۋ ءۇشىن ءتيىستى جۇمىستار جۇرگىزىلۋدە. جوبا قۇنى – 150 ملن ەۆرو.
بۇگىنگى تاڭدا ينۆەستور تايلان كارامانلي وسىنداي جوبانى اقمولا وبلىسىندا دا جۇزەگە اسىرۋدا.