كادر دايارلاۋ ساپاسىن ارتتىرۋ كەرەك

مەملەكەتتىك قولداۋدىڭ ءبىر باعىتى – بىلىكتى كادرلارمەن قامسىزداندىرۋ. ءبىلىم بەرۋ سالا­­سىن­داعى مەملەكەتتىك ساياسات ەكونو­ميكانى ءارتاراپتان­دىرۋ مەن ين­دۋستريالاندىرۋ­دىڭ قىسقا جانە ۇزاق مەرزىمدى مىندەت­­تەرىن شەشەتىن كادرلار دايارلاۋ­عا باعىتتالعان. سونداي-اق ەكونو­ميكانىڭ وڭدەۋ سالاسى ماماندارىن دايىنداۋ ءىسى العا تارتىلعان. 

ارينە, بىلىكتى ماماندار دايار­لاۋ ءىسى كادرلار بىلىكتىلىگىن ارت­تى­­رىپ, ساپالى دەڭگەيگە كوتەرە­تىن وقۋ ورىندارى مەن وزىق باع­­دارلامالارعا بايلا­نىس­تى. بۇل مىندەتتى شەشۋ ءىسى ءبىلىم بەرۋ جانە وقىتۋ باعدارلا­ما­­لارىن جەتىلدىرۋمەن قاتار, وقۋ ورىندارىنىڭ ماتەريال­دىق-تەح­نيكالىق بازاسىن جاقسارتۋ­دى تالاپ ەتەدى. اگرارلىق سەكتور دا وسى تالاپتىڭ ۇدەسىنەن شىعۋعا تالپىنىپ وتىر. پرەزيدەنتتىڭ 2017 جىلدىڭ 14 اقپانىنداعى جار­لىعىمەن بەكىتىلگەن اگرو­ونەر­كاسىپتىك كەشەندى دامىتۋ جونىندەگى مەملەكەتتىك باعدار­لامادا دا وسى سالانىڭ وقۋ ورىن­دارىن ودان ءارى جاقسارتۋ قاجەتتىگى اتالىپ وتكەن. وسى قۇجاتتا ەلباسى عىلىم, ءبىلىم جانە ءوندىرىستىڭ ينتەگراتسيا­سىن قامتاماسىز ەتۋ ءۇشىن استانا­داعى ساكەن سەيفۋللين اتىن­داعى قازاق اگروتەحنيكالىق ۋنيۆەر­سيتەتىنىڭ بازاسىندا اگروونەركاسىپ كەشەنى سالاسىندا زەرتتەۋ ۋنيۆەرسيتەتىن قۇرۋ جونىندە تاپسىرما بەرگەن بولاتىن. وسى مىندەتتى ورىنداۋ ءۇشىن اتالمىش وقۋ ورنىنىڭ ماتەريالدىق-تەحنيكالىق بازاسىن نىعايتۋ قاجەتتىگى تۋىنداۋدا. ونىڭ باعدارلاماسى جاسالىپ, ىسكە اسىرىلۋى ءۇشىن رەسپۋبليكالىق بيۋدجەتتەن 2018 جىلعا 223 ملن تەڭگە ءبولۋ قاجەت بولىپ وتىر. بۇل قارا­جات عى­لىمي-زەرتتەۋ زەرتحانالارىن قا­جەتتى جاراقتارمەن قامتاما­سىز ەتۋ ماسەلەسىن دە شەشەدى.

وكىنىشكە قاراي وسى سوما اۋىل شارۋاشىلىعى مينيستر­لىگىنىڭ 2018 جىلعا ارنالعان بيۋدجەتتىك سۇرانىمىندا ورىن الماعان. سول ماسەلەنى شە­شىپ, كەلەسى جىلدىڭ بيۋدجەتتىك سۇرانىمىنا ەنگىزۋدى ءوتىنىپ ءبىز پرەمەر-ءمينيستردىڭ ورىنباسارى – اۋىل شارۋاشىلىعى ءمينيسترى اسقار مىرزاحمەتوۆتىڭ اتىنا دەپۋتاتتىق ساۋال جول­دادىق. ماسەلە وڭ شەشىمىن تابار دەگەن ۇمىتتەمىز. 

جامبىل احمەتبەكوۆ,

ءماجىلىس دەپۋتاتى