ءدىن ىستەرى جانە ازاماتتىق قوعام مينيسترلىگىنىڭ ءدىن ىستەرى كوميتەتى جانىنان قۇرىلعان ءدىن ىستەرى جونىندەگى رەسپۋبليكالىق اقپاراتتىق-ناسيحاتتاۋ توبى قوستاناي وبلىسىندا اقپاراتتىق-ناسيحاتتاۋ جۇمىستارىن جۇرگىزدى.
كۇن تارتىبىندەگى كوپتەگەن سەمينارلار مەن كەزدەسۋلەر, وڭىردەگى شارالار كەشەنى ءداستۇرلى ەمەس ءدىني اعىمداردىڭ تارالۋىنا قارسى ءىس-قيمىل جۇرگىزۋگە باعىتتالعان. اسىرەسە, ءداستۇرلى ەمەس ءدىني اعىمداردىڭ جاقتاۋشىلارىنا ەرەكشە نازار اۋدارىلىپ, جەكە ءتۇسىندىرۋ جۇمىستارى جۇرگىزىلدى. ساراپشىلار قوستاناي, ليساكوۆسك قالالارىنداعى مەشىتتەردە وسى ساناتتاعى ازاماتتارمەن جەكە اڭگىمەلەستى.
پروتەستانتتىق ءدىني بىرلەستىكتەردىڭ عيبادات وبەكتىلەرىندە ءدىن سالاسىنداعى زاڭنامانى ءتۇسىندىرۋ جۇمىستارى جۇرگىزىلدى.
«رۋحاني-ادامگەرشىلىك نەگىزدەرىن اشۋ ̶ شيەلەنستەردىڭ الدىن الۋعا, قوعامدا ورنىعۋعا, ەكسترەميزم مەن تەرروريزم سىندى ءدىني قاۋىپ-قاتەرلەرگە قارسى تۇرۋعا مۇمكىندىك بەرەدى»,- دەيدى جيىندا ءسوز العان دەلەگاتسيا مۇشەسى, ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتى فيلوسوفيا كافەدراسىنىڭ اعا وقىتۋشىسى, ءدىنتانۋشى - تولعاناي مۇستافينا.
- «بۇگىنگى تاڭدا ءدىننىڭ ءرولى ساياسي ارەنادا كۇن ساناپ ارتۋدا. بۇل, ءوز كەزەگىندە, ءدىندى ساياسي ماقساتتا پايدالانۋ مۇمكىندىگىنىڭ ارتقاندىعىن بىلدىرەدى. سونىمەن قاتار, ءدىننىڭ ءرولى مادەنيەت جانە قوعامدىق قاتىناستاردا دا وسكەندىگىن ايتا كەتۋ كەرەك. بىراق, ساراپتاپ قارايتىن بولساق, وزگەرىستەر كەزىندە ءدىننىڭ ءوزى ەمەس, ونىڭ بۇرمالانعان بەينەسى كورىنىس بەرەدى. اسىرەسە, بۇرمالانعان ساياساتتا, ءدىن ەڭ ورەسكەل تۇردە پايدالانىلادى. ءدىني نەگىزدەگى بەلسەندى پارتيالاردا ەكسترەميزم ەلەمەنتتەرى ءجيى بايقالادى»,-دەيدى ساراپشى.
جالپى العاندا, حالىقتىڭ ءدىني ساۋاتتىلىعىن ارتتىرۋدى ماقسات ەتكەن ءىس-شارالارعا قوستاناي قالاسى مەن وبلىس اۋداندارىنىڭ تۇرعىندارى, وڭىردەگى قوعامدىق كەڭەستىڭ مۇشەلەرى, مەملەكەتتىك جانە قۇقىق قورعاۋ ورگاندارى, ءدىن, باق, ەڭبەك ۇجىمدارى, وقىتۋشىلار, مۇعالىمدەر, ستۋدەنتتەر, جانە دە وقۋ ورىندارىنىڭ قىزمەتكەرلەرى قاتىستى.
دەلەگاتسيا قۇرامىنا اتالعان سالاداعى جەتەكشى ساراپشىلار كىردى. ولاردىڭ قاتارىندا: يمانباەۆ مەيرام وتكىلباي ۇلى – ءدىن ىستەر كوميتەتى ءدىني قىزمەت سالاسىنداعى قۇقىق قولدانۋ پراكتيكاسى باسقارماسىنىڭ جەتەكشىسى, يرجانوۆ رۋسلان سامارحان ۇلى - ء«بىلىم» قب ديرەكتورى, مۇستافينا تولعاناي - ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتى فيلوسوفيا كافەدراسىنىڭ اعا وقىتۋشىسى, ءدىنتانۋشى, جاڭاقوۆ بەرىكبول - استانا ق. ء«الجان انا» مەشىتىنىڭ نايب يمامى, گايكو ولگا الەكساندروۆنا – ءدىن ماسەلەلەرى جونىندەگى عىلىمي-زەرتتەۋ جانە تالداۋ ورتالىعىنىڭ عىلىمي قىزمەتكەرى بار.