يننوۆاتسيالار ىلگەرىلەۋگە ءىز اشادى

ساقتاعان بايىشەۆ اتىنداعى اقتوبە ۋنيۆەرسيتەتىندە ەل تاۋەل­سىزدىگىنىڭ 20 جىلدىعى مەن وسى جوعارى وقۋ ورنىنىڭ 15 جىل­دىعىنا ورايلاستىلىپ «يننوۆاتسيالار جانە ءبىلىم بەرۋ تەح­نولوگيالارى» دەگەن تاقى­رىپتا حالىقارالىق عىلىمي-ءتاجىري­بە­لىك  كونفەرەنتسيا  وتكىزىلدى. وعان رەسەيدەن, باشقۇرتستاننان جانە ەلىمىزدىڭ  اتىراۋ, اقتاۋ, ورال, اقتوبە قالالارىنداعى جوعارى وقۋ ورىندارىنىڭ عالىمدارى, وقىتۋشى-پروفەسسورلارى قا­تىس­تى. ىرگەتاسى قالانعانىنا  15 جىل تولىپ وتىرعان بۇل ۋنيۆەرسيتەتتى تاۋەلسىزدىكتىڭ ءتول پەرزەنتى دەۋ ورىندى بولماق. وسىدان تۋرا ون جىل بۇرىن  ۋنيۆەرسيتەت مارتەبەسىن العان  مۇندا قازىر ورتا, جوعارى جانە جوعارى وقۋ ورنىنان كەيىنگى  كاسىبي ءبىلىم بەرىلەدى. 2001 جىلدان بەرى ۋنيۆەرسيتەتتەن بەس مىڭنان استام ەكوميكالىق, گۋمانيتارلىق-پەداگوگيكالىق, تەحنيكالىق ماماندار, سونداي-اق, اۋدارماشىلار مەن ديزاينەرلەر تۇلەپ ۇشتى. پروفەس­سورلىق-وقىتۋشىلىق قۇرام­نىڭ ساپاسى مەن سانى ارتىپ كەلەدى.  ءبىلىم جانە عىلىم مينيسترلىگى تاراپىنان وتكىزىلەتىن ارالىق مەملەكەتتىك بايقاۋلاردىڭ ءنا­تي­جەلەرى, تۇلەكتەردىڭ جۇمىسقا ورنالاسۋ كورسەتكىشىنىڭ جوعا­رى­لىعى, جۇمىس بەرۋشىلەردىڭ ريزاشىلىعى  ۋنيۆەرسيتەتتە جو­عارى ءبىلىم بەرۋدىڭ ۋاقىت تالا­بىمەن ۇندەس جۇرگىزىلىپ جاتقا­نىنىڭ دالەلى بولسا كەرەك. ۋنيۆەرسيتەتتە  يننوۆاتسيالىق ءبىلىم تەحنولوگيالارىن ەنگىزۋدە دە ىلگەرىلەۋ بار. 2004-2005 وقۋ جىلى­نان باستاپ مۇندا ءبىلىم بەرۋدىڭ نەسيەلىك جۇيەسى ەنگىزىلدى.  باتىس قازاقستان ايماعىنىڭ الەۋمەتتىك جانە وندىرىستىك سالاسىندا با­سىم­دىلىققا يە 21 ماماندىق بويىنشا جوعارى كاسىبي ءبىلىم (باكالاۆريات) بەرىلسە, ماگيستراتۋرادا 8 ماماندىققا دايارلانا­دى. قازىر ۋنيۆەرسيتەتتە 4278 ستۋدەنت ءبىلىم الۋدا, 92 بولاشاق ماگيستر بار. ۋنيۆەرسيتەت قىتاي­دىڭ ەكى ىرگەلى جوعارى وقۋ ورنىمەن تىعىز بايلانىس جاساپ كەلەدى, ناتيجەسىندە ستۋدەنتتەر الماسۋ تاجىريبەسى قالىپتاستى. سونداي-اق, م.ۆ.لومونوسوۆ اتىن­داعى ماسكەۋ ۋنيۆەرسيتەتىمەن, سامارا تەمىر جول ينستيتۋتىمەن, نەمىس مەنەدجمەنت اكادەمياسى­مەن, ماسكەۋ قازىرگى زامانعى بيزنەس ينستيتۋتىمەن, م.اقموللا اتىنداعى باشقۇرت مەملەكەتتىك پەداگوگيكالىق ينستيتۋتىمەن, بە­لارۋس مەملەكەتتىك, ۆلاديمير مەملەكەتتىك جانە قىتايداعى شىڭ­جاڭ   ۋنيۆەرسيتەتتەرىمەن  ارا­داعى كەلىسىم-شارتقا سايكەس ءوزارا بايلانىس اياسىندا وقىتۋشىلار مەن ستۋدەنتتەر تاجىريبە الما­سىپ, ءتۇرلى تاقىرىپتا حالىقارا­لىق عىلىمي-پراكتيكالىق كونفەرەنتسيالار ۇيىمداستىرۋ داستۇرگە اينالعان.  جوعارى وقۋ ورنىنىڭ ماتەريالدىق-تەحنيكالىق بازاسى جاقسى, 2005 جىلى جاڭا عي­ماراتقا كوشتى. جالپى اۋماعى 17 مىڭ شارشى مەتردەن اساتىن ءبىلىم بەرۋ كەشەنىندە ۋنيۆەرسيتەت پەن كوللەدجدىڭ وقۋ كورپۋستارى, سپورت زال, عىلىمي كىتاپحانا, وقۋ-باسپا ورتالىعى, اقپاراتتىق-تەح­نولوگيالىق ورتالىق, جاتاق­حانا بار. ساقتاعان بايىشەۆ اتىن­داعى اقتوبە ۋنيۆەرسيتەتىنىڭ پرەزيدەنتى, فيلوسوفيا عىلىم­دارى­نىڭ دوكتورى بەكەجان احان عىل­ىمي-تاجىريبەلىك كون­فەرەن­تسيا­­نى قىسقاشا ءسوز سويلەپ اشىپ, وسى جوعارى وقۋ ورنىنىڭ ءوزى تاۋەل­سىزدىكتىڭ جەمىسى ەكەنىنە توقتال­دى.   وبلىس اكىمىنىڭ ورىن­با­سارى سارا نۇرقاتوۆا جاس ۇر­پاققا جوعارى ءبىلىم بەرۋدەگى ەلى­مىزدىڭ قول جەتكىزگەن تابىستارىن تاۋەل­سىزدىكپەن, ەلباسى نۇرسۇل­تان نا­زارباەۆتىڭ سارابدال سايا­سا­تىمەن ساباقتاستىردى.  جوعارى ءبىلىم ەكو­نو­ميكا دامۋىنىڭ ما­ڭىز­دى فاكتورى ەكەنىن تىلگە تيەك ەتە كەلىپ, ادام كاپيتالى جا­يىندا وي ءوربىتتى. عالىمدار يندۋستريالىق-يننوۆاتسيالىق دامۋ باعىتتارى جانە ايماقتىق ەكونوميكا مەن باسقارۋدىڭ دا­مۋى, ينۆەستيا­لاردى جانە اۋماق­تىق تاۋەكەل­دەردى باسقارۋ, جوعارى مەكتەپتەگى ءبىلىم بەرۋ جۇيەسىن دامىتۋدىڭ الەۋمەتتىك-پەداگوگي­كا­لىق جانە پسيحولوگيالىق پروب­لەمالارى, ءبىلىم بەرۋدەگى يننوۆا­تسيالىق تەحنولوگيالار, تەحنيكا­لىق عىلىم­داردىڭ قازىرگى دامۋ پروبلە­ما­لارى مەن كەلەشەگى, يننوۆاتسيا­لىق جەتىستىكتەر, تىلدىك جانە ءبىلىم بەرۋ كەڭىستىگى, تىلدەردى جوعا­رى مەكتەپتەگى وقىتۋدىڭ تەوريا­سى مەن تاجىريبەسىندەگى يننوۆاتسيالار, باتىس قازاقستان­نىڭ ەكولوگيالىق جانە الەۋمەت­تىك پروب­لەمالارىن شەشۋدىڭ يننوۆا­تسيالىق تەحنولوگيالارى, ءبىلىم بەرۋ جۇيەسىن مودەرنيزاتسيالاۋ باعىتتارىنداعى ىزدەنىستەردى تە­رەڭىرەك قاۋزادى,  وزەكتى ماسەلە­لەر بويىنشا وي ءبولىستى. ساتىبالدى ءساۋىرباي. اقتوبە وبلىسى.