قازاق ءالىپبيىن لاتىنشاعا كوشىرۋ زامان تالابى ەكەنىندە داۋ جوق. ەلباسىمىزدىڭ «بولاشاققا باعدار: رۋحاني جاڭعىرۋ» باعدارلامالىق ماقالاسى جاريالانىپ, پارلامەنتكە لاتىنشانىڭ العاشقى نۇسقاسى تانىستىرىلعاننان بەرى كوپتەگەن كەلەلى ويلار ايتىلدى.
قازاق حالقىنا ءتان جەكەلەگەن داۋىستى جانە كەيبىر داۋىسسىز دىبىستاردى, مىسالى ء«ا», ء«و», ء«ۇ», «ع», «ج», «چ» مەن «ش»-نى قوسارلاپ بەرۋدە ايتاتىن ۋاجدەردىڭ از ەمەستىگى بايقالدى. شىنىندا دا, ديگرافتاردىڭ ءماتىندى شامادان تىس ۇزارتاتىندىعى, كەي سوزدەردىڭ وقىلۋدا جاڭساقتىققا ۇرىندىراتىندىعى ويلاندىرماي قويمايدى. ەكىۇداي پىكىرلەرگە ەلباسىمىزعا جۇمىس توبى ۇسىنعان لاتىن ءالىپبيىنىڭ ەكىنشى نۇسقاسى نۇكتە قويدى دەسە دە بولادى. بۇل جولعى دىبىستاردىڭ تاڭبالانۋى كوكەيگە قونىمدى ءارى جەڭىل وقىلاتىنىن اتاپ ايتقان ءجون. سەبەبى جوعارىدا كەلتىرگەن دىبىستارىمىز ءبىر تاڭبامەن عانا بەلگىلەنگەن. ولارعا فرانتسۋز الىپبيىندەگىدەي جۇمساقتىق بەلگىسى, ياعني ء«ۇتىر» قويىلعان. بارىنەن بۇرىن بۇل نۇسقادا لاتىن ءالىپبيىنىڭ 24 تاڭباسى ساقتالعان. جوبانى ىسكە اسىرۋ بارىسىندا الەمدىك تاجىريبەنىڭ ەسكەرىلگەنى وتە ورىندى. پرەزيدەنت ءوز سوزىندە جاڭا الىپبيگە كوشۋ قازاق ءتىلىن مەڭگەرۋدى وڭايلاتاتىنىن, مۇنداي كۇردەلى ۇدەرىس الەمدىك اقپاراتتىق كەڭىستىككە شىعۋدا ماڭىزدى ءرول اتقاراتىنىن اتاپ كورسەتتى.
بىزدىڭشە, بۇل سالاداعى اقپاراتتىق-ءتۇسىندىرۋ جۇمىستارىن ءبىر ءسات تە باسەڭدەتپەۋ كەرەك. ماسەلەن, الەۋمەتتىك جەلىلەردە: «الفاۆيتتەن جىڭىشكەلىك () جانە قاتاڭدىق () بەلگىلەرى, سول سياقتى كىرمە سوزدەردە كەزدەسەتىن تس,شش,ە,يۋ,يا دىبىستارى الىنىپ تاستالعان, ايۋ, تسەلوفان, ەسكالاتور نەمەسە ءاليا, نياز سوزدەرىن قالاي جازامىز؟» دەگەن سياقتى الاڭداۋشىلىقتارعا عالىمدارىمىز, ءتىلتانۋشىلارىمىز دايەكتى جاۋاپ بەرسە دەگەن تىلەگىمىز بار. ەڭ باستىسى, بىرىزدىلىكتىڭ ساقتالاتىنى قۋانتادى. جۇرتشىلىقتىڭ ءوز ويلارىمەن ءبولىسىپ, ۇسىنىستار جاساۋى وزەكتى ماسەلەگە بەيجاي قاراي المايتىنىن تانىتتى.
جاڭا نۇسقانىڭ تانىستىرىلۋى كەزىندە ن. نازارباەۆ ەلىمىز ءۇشىن اسا ماڭىزدى ماسەلە جالپىحالىقتىق تالقىلاۋعا ۇسىنىلعانىن, «جەتى رەت ولشەپ, ءبىر رەت پىشىلەتىندىگىن», قازىردىڭ وزىندە 300-دەن استام ۇسىنىس تۇسكەندىگىن قاداپ ايتىپ, ودان ءارى جەتىلدىرۋ جونىندە بىرقاتار تاپسىرمالار بەردى.
قالاي بولعاندا دا, وركەنيەتتىڭ كوشىنەن قالماس ءۇشىن بارلىعىمىزعا ءتيىمدى لاتىن ءالىپبيىنىڭ قاجەتتىگى ايدان انىق.
نۇرسايىن ءشارىپ, اقپارات سالاسىنىڭ ۇزدىگى
سولتۇستىك قازاقستان وبلىسى