«دامۋ» كاسىپكەرلىكتى دامىتۋ قورى» اكتسيونەرلىك قوعامى مەن قازاقستان رەسپۋبليكاسىنىڭ ينۆەستيتسيالار جانە دامۋ مينيسترلىگى اراسىندا, قازاقستان رەسپۋبليكاسىنداعى بىرىككەن ۇلتتار ۇيىمى دامۋ باعدارلاماسىنىڭ قارجىلىق قولداۋىنا سۇيەنە وتىرىپ, ەنەرگيانى ۇنەمدەۋ سالاسىنداعى ماسەلەلەرمەن اينالىسىپ جاتقان كاسىپكەرلەرگە قولداۋ كورسەتۋ شارالارى جونىنەن ىنتىماقتاستىق تۋرالى كەلىسىمگە قول قويىلعان بولاتىن. بۇل تۋرالى ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا قازاقستان رەسپۋبليكاسىنداعى بۇۇ دب تۇراقتى وكىلىنىڭ ورىنباسارى مۋنحتۋيا التانگەرەل اڭگىمەلەپ بەردى.
سپيكەردىڭ سوزىنشە, كەلىسىمشارت ەنەرگيانى ۇنەمدەۋ سالاسىنداعى ينۆەستيتسيالىق جوبالارعا قولداۋ كورسەتۋ مەحانيزمىن قالىپتاستىرۋدىڭ جەمىسى بولىپ وتىر.
«بۇۇ دامۋ باعدارلاماسى ءارى قازاقستان رەسپۋبليكاسى بىرلەسىپ «تومەن كومىرتەكتى دامۋعا ارنالعان ورنىقتى قالالار» جوباسىن ىسكە اسىرۋدى قولعا العان بولاتىن. جوبا 2020 جىلعا دەيىن اتقارىلادى. ءبىز اتالعان جوبانى قازىرگى ۋاقىتتا قازاقستاننىڭ 7 قالاسىندا, دالىرەك ايتقاندا قوستاناي, ليساكوۆ, شىمكەنت, اقتوبە, تەمىرتاۋ, ورال, تاراز قالالارىندا قاناتقاقتى جوبادا جۇزەگە اسىراتىن بولامىز. بۇۇ دامۋ باعدارلاماسى جوبانىڭ قارجىلىق ينديكاتورلارىن جەتىلدىرۋ ءارى ونىڭ ءوز-ءوزىن وتەۋ مەرزىمىن ازايتۋ ءۇشىن تومەنكومىرتەكتى جوبالاردى ءىس جۇزىنە اسىرۋعا قارىز بولۋگە كومەكقارجى تولەۋ, دالىرەك ايتقاندا كوممەرتسيالىق نەسيەنىڭ 10%-دىق بانكتىك مولشەرلەمەسىن جابۋ مەحانيزمىن سىناقتان وتكىزەتىن بولادى. مىسالى, نەسيە بويىنشا بانك مولشەرلەمەسى ورتاشا مولشەرمەن 15% بولسا, بىرىككەن ۇلتتار ۇيىمى دامۋ باعدارلاماسى قارجىلىق كومەگى شاراسىنان پايدا كورەتىن تاراپ ءۇشىن مولشەرلەمە 5%-دى قۇرايتىن بولماق. بۇل ەۋروپا ەلدەرىندەگى جوبالار قويىلىمدارىمەن دەڭگەيلەس بولىپ سانالادى», دەپ اتاپ ءوتتى قازاقستان رەسپۋبليكاسىنداعى بۇۇ دب تۇراقتى وكىلىنىڭ ورىنباسارى مۋنحتۋيا التانگەرەل.