«قايرات» اراقاشىقتىقتى قىسقارتتى

مۇنداي جاعدايدى «تەمىر­جولشىلاردى» وكشەلەپ كەلە جاتقان «قايرات» ءوز پايداسىنا شەبەر پايدالانا ءبىلدى. ءوز الا­ڭىندا قاراعاندىنىڭ «شاح­تەرىن» قابىلداعان جاڭا باپ­كەر كارلوس فەررەردىڭ شاكىرت­تەرى «كەن­شىلەردى» 3:1 ەسەبى­مەن تىزە بۇك­­تىردى. جالپى, «قاي­رات»  بي­ىل­­عى چەمپيوناتتا «شاح­تەرگە» قىر­عيداي ءتيدى. وسى كەز­دەسۋدىڭ الدىنداعى ويىن­داردا ەكى رەت 4:1 ەسەبىمەن كۇي­رەتە جەڭگەن بولاتىن. ءبارىن قوس­قاندا الماتىلىقتار قاراعاندى كلۋبىنىڭ قاقپاسىنا 11 گول سوعىپ, وزىنە بار-جوعى ءۇش دوپ قانا جىبەرىپ العان ەكەن. ءسويتىپ, «قايرات» كوش باسىنداعى «استانامەن» اراداعى ۇپاي الشاقتىعىن از كۇنگە بولسا دا ءتورت ۇپايعا قىسقارتتى.

قولا جۇلدە ءۇشىن تارتىستان ءمان كەتكەن سياقتى. نەگە دەسەڭىز, شىمكەنتتىڭ «ورداباسى» وسى تۋردا «اتىراۋدى» ءوز الاڭىندا 2:0 ەسەبىمەن جەڭدى دە, قىر سوڭى­نان قالماي كەلە جاتقان «ەر­تىستەن» سەگىز ۇپايعا ۇزاپ كەتتى. ال, پاۆلودارلىقتار بولسا, ءوز الاڭىندا «قايسارمەن» 0:0 ەسە­بىمەن تەڭ ءتۇسىپ, تاعى دا ۇپاي جوعالتتى.

تۋرنير كەستەسىنىڭ تومەنگى جاعىنداعى جاعداي دا وسى تۋر­دان كەيىن بالەندەي وزگەرىسكە ۇشىراي قويعان جوق. كوش سوڭىن­داعى «اقتوبە» سىرت الاڭ­دا «اقجايىقپەن» تەڭ ءتۇسىپ, «اۋتسايدەر» دەگەن اتقا ابدەن مويىنسۇنعانداي. بۇل ەكى ۇجىمنان تومەننەن جو­عارى ساناعاندا ءۇشىنشى سا­تىدا تۇرعان «وقجەتپەستىڭ» دە وزىپ كەتكەنى شامالى. اۋت­سايدەرلەرمەن كورشىلەس كوكشە فۋتبولشىلارىنىڭ كەيىنگە قال­دىرىلعان ماتچتا «اس­تانامەن» وينايتىنىن ەسەپكە الساق, جوعارىداعى سوزىمىزگە كو­مان­دانىڭ جانكۇيەرلەرى كەيىستىك بىلدىرە قويماس دەگەن ويدامىز.

سۇرمەرگەندەر اراسىنداعى تارتىستا سوڭعى تۋردا تاعى دا گول سوعىپ, كوزگە تۇسكەن جەرار گوۋ الدا كەلەدى. «قايراتتىڭ» «قارا مارجانىنىڭ» ەنشىسىندە 17 دوپ بار. «استانانىڭ» شابۋىلشىسى جۋنيور كابانانگا 15 گولمەن ەكىنشى ورىندا كەلەدى. ال, پاتريك تۆۋماسي («استانا») مەن تاڭات نوسەرباەۆ («ورداباسى») قارسىلاستار قاقپاسىن 9 رەتتەن ءدال كوزدەپتى.

وتكەن 24-تۋردا مىناداي ناتيجەلەر تىركەلدى: 

«اقجايىق» – «اقتوبە» – 2:2 (1:0), دجۋروۆيچ, 20 (1:0). زەن­كوۆيچ, 46 (1:1). دجۋروۆيچ, 57 (2:1). زەنكوۆيچ, 82 – پەنال­تيدەن (2:2). «توبىل» – «تاراز» – 1:1 (0:0, كۆەكۆەسكيري, 72 – پەنال­تيدەن (1:0). مانە, 77 (1:1). «ورداباسى» – «اتىراۋ» – 2:0 (0:0), تۇڭعىشباەۆ, 69 (1:0). نوسەرباەۆ, 87 (2:0). «ەر­تىس» – «قايسار» – 0:0 (0:0). «قاي­رات» – «شاحتەر» – 3:1 (0:1), ستا­نوەۆيچ, 43 (0:1). يساەل, 52 (1:1). گوۋ, 67 (2:1). احمەتوۆ, 85 (3:1).

كەلەسى 25-تۋر 26 تامىز كۇنى وتەدى: 

«اتىراۋ» – «قايرات», «قايسار» – «ورداباسى», «وق­جەت­پەس» – «اقتوبە», «تو­بىل» – «اقجايىق», «تا­راز» – «ەرتىس».