سەمەيدەگى 5511 اسكەري ءبولىمىنىڭ قاتارىنا وڭتۇستىك قازاقستان وبلىسى, الماتى جانە جامبىل وبلىستارىنان كەلگەن 200 جاس سارباز كەلىپ قوسىلدى.
جاس جاۋىنگەرلەردىڭ انت بەرۋ سالتاناتى سەمەي قالاسىنىڭ ورتالىق الاڭىندا ءوتتى. قالا اكىمى ەرماك ءسالىموۆ, قر ۇلتتىق گۆاردياسىنىڭ «شىعىس» وڭىرلىك قولباسشىلىعى قولباسشىسىنىڭ تاربيە ءىسى جانە اسكەري-قۇقىقتىق جۇمىس جونىندەگى ورىنباسارى, پولكوۆنيك نيازتاي الكەشەۆ جانە ارداگەرلەر جاستارعا ساتتىلىك تىلەپ, وتانعا ادال قىزمەت ەتۋگە شاقىردى. سالتاناتتى شارا بارىسىندا ۇلتتىق گۆارديانىڭ جاس ساربازدارى كالاشنيكوۆ اۆتوماتىمەن ءتۇرلى جاتتىعۋلار, تاسىلدەر كورسەتتى.
اسكەري انت بەرۋ - ءاربىر جاۋىنگەردىڭ اتا زاڭ الدىنداعى مىندەتىن ورىنداپ, ەلباسىنا ادال قىزمەت ەتىپ, وتان قورعاۋ دايار ەكەندىگىنىڭ دالەلى.
راۋشان نۇعمانبەكوۆا
سۋرەتتەردى تۇسىرگەن اۆتور
سەمەي قالاسى.