18-20 شىلدەدا ەلىمىزدىڭ كوپتەگەن وبلىستارىندا جاڭبىر جانە نايزاعاي بولادى, دەپ حابارلايدى «قازگيدرومەت» رمك.
قۇبىلمالى اۋا-رايى رەسپۋبليكامىزدىڭ شىعىس بولىگىندە ءالى دە ساقتالۋدا, باتىس ءسىبىر ايماقتارىنان ىلعالدى جانە سالقىن اۋا اعىندارى كەلۋى جالعاسۋدا.
«قازاقستاننىڭ سولتۇستىك, شىعىس جانە ورتالىق وبلىستارىنىڭ كەي جەرلەرىندە جاڭبىر جاۋىپ, نايزاعاي بولادى, ەكپىندى جەلدىڭ كۇشى 15-20 م/س بولىپ, كۇندىزگى ۋاقىتتاردا بۇرشاق جاۋى ىقتيمال, اۋا تەمپەراتۋراسى شامامەن 20...27°س, قالىپتى نورمادان 2-4ºس تومەن بولادى دەپ كۇتىلۋدە. رەسپۋبليكانىڭ باتىسى مەن وڭتۇستىگىندە جوعارى قىسىم ايماعى اسەرىنەن, اۋا-رايى جاۋىن-شاشىنسىز, اۋا تەمپەراتۋراسى نورماعا جۋىق جانە جوعارى بولادى دەپ كۇتىلۋدە. قازاقستاننىڭ وڭتۇستىك-شىعىسىندا وتكىنشى جاڭبىر اسىرەسە تاۋلى ايماقتاردا كۇتىلۋدە», دەلىنگەن حابارلامادا.