1500-دەن استام سپورتشى سپورتتىڭ 16 تۇرىنەن كۇش سىناسىپ, جارىس قورىتىندىسىندا 274 ۇپاي جيناعان قىزىلجار اۋدانى جەڭىستىڭ ەڭ بيىك تۇعىرىنا كوتەرىلدى. بىلتىر ءۇشىنشى ورىندى قاناعات تۇتقان بۇل كوماندا سپورتتىڭ گىر كوتەرۋ, مىلتىقپەن اتۋ, ەركىن كۇرەس, دويبى تۇرلەرى بويىنشا قارسىلاس شاق كەلتىرمەدى.
جەڭىمپازدان ءبىر ۇپايعا كەم قالعان ع. مسىرەپوۆ اۋدانىنىڭ ويىنشىلارى ەكىنشى ورىنعا جايعاستى. ءۇشىنشى ورىندى م. جۇماباەۆ اۋدانىنىڭ سپورتشىلارى ەنشىلەدى.
بارلىق جۇلدەگەرلەرگە اقشالاي سىيلىقتار مەن ديپلومدار تابىس ەتىلدى.
اۋىلدىقتار ساپرتاكياداسىن جوعارى دەڭگەيدە وتكىزگەنى ءۇشىن الاڭ يەلەرى-مامليۋت اۋدانىنا وبلىس اكىمى اتىنان «گازەل» جەڭىل كولىگى تارتۋ ەتىلدى.
اۋىل سپورتشىلارىنىڭ كەلەسى جىلعى الامان بايگەسى م. جۇماباەۆ اۋدانىندا وتەتىن بولادى.
ءومىر ەسقالي,
«ەگەمەن قازاقستان».
سولتۇستىك قازاقستان وبلىسى.