قاراعاندى قالاسىنا كۇن كوزىنەن قۋات الاتىن كوشە اتاۋلارى جازىلعان تاقتايشالار ورناتىلىپ جاتىر. كوشە ۇيلەرىنە جالپى ەكى جارىم مىڭ تاقتايشا ورناتىلادى, ونىڭ 900-ءى جانىندا ورناتىلعان كۇن باتارەيالارىنىڭ ارقاسىندا جارىقتاندىرىلىپ تۇرماق. ازىرگە مۇنداي انشلاگتار قالانىڭ ورتالىق كوشەلەرىنە جوسپارلانىپتى. باسقا جەرلەردە ولار ەلەكتر جەلىسىنە قوسىلادى.
جالپى, بۇل جوباعا 70 ملن تەڭگە بولىنگەن, ونىڭ 40 ميلليونى كۇن باتارەياسى بار انشلاگتارعا جۇمسالماق. سوڭعىلارىنىڭ ەكى جىلدىق كەپىلدىگى بار.
– بىزگە زامانعا ساي قادام باساتىن كەز كەلدى, – دەپ ءتۇسىندىردى تاقتايشالاردىڭ قاجەتتىلىگى تۋرالى وكتيابر اۋدانىنىڭ اكىمى ءالىمجان قاناەۆ. – الەمدىك ەلدەردىڭ تاجىريبەلەرىن قابىلداۋىمىز كەرەك. سونىمەن قاتار, جۇرگىزۋشىلەردەن تۇنگى ۋاقىتتاردا ۇيلەردەگى كوشە اتاۋلارى بار تاقتايشالارى كورىنبەيتىنى تۋرالى شاعىم ءجيى تۇسەدى. سەبەبى, ولاردى كولىك شامدارىمەن جارىقتاندىرۋ مۇمكىن ەمەس, ولار جوعارى ورنالاسقان. سوندىقتان جارىقتاندىرىلعان تاقتايشالار قاجەت. ال كۇن باتارەيالارى زامانعا ساي جانە ەكولوگيالىق جاعىنان دا ءتيىمدى بولىپ تابىلادى.
ميراس اسان, «ەگەمەن قازاقستان»
قاراعاندى وبلىسى