تۇركيانىڭ قازاقستانداعى توتەنشە جانە وكىلەتتى ەلشىسى, ديپلوماتيالىق كورپۋس وكىلدەرى مەن شەتەلدىك جانە قازاقستاندىق باق قىزمەتكەرلەرى قاتىسقان جيىندا باۋىرلاس ەلدەر اراسىندا ورناعان بەرىك سەنىم مەن قوس مەملەكەت باسشىلارىنىڭ تەرەڭ ارىپتەستىگى كەڭىنەن ءسوز بولدى.
باسقوسۋ بارىسىندا تۇركيا ەلشىسى نەۆزات ۋيانىك وتكەن جىلدىڭ شىلدەسىندە ورىن العان ءوز ەلىندەگى كەلەڭسىزدىكتەن كەيىن تۇركياعا شەت مەملەكەتتەر باسشىلارىنىڭ اراسىندا ءبىرىنشى بولىپ پرەزيدەنت ن.نازارباەۆ ات باسىن بۇرعانىن ەرەكشە اتاپ ءوتتى.
«تۇركيادا بولعان توڭكەرىس ارەكەتىنەن كەيىن ءبىزدىڭ ەلىمىزگە مەملەكەت باسشىسى دەڭگەيىندەگى العاشقى ساپاردى قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆ جاسادى. تۇركيا مەملەكەتى مەن تۇرىك حالقى پرەزيدەنت ن.نازارباەۆتىڭ باۋىرلاس ەل قازاقستاننىڭ كورسەتكەن تىلەكتەستىگىن ەشقاشان ۇمىتپايدى. سونداي-اق, ءبىز مۇنداي اق ادال نيەتتەستىك پەن ىزگى ارەكەتكە ارقاشان قۇرمەتپەن قارايمىز», دەدى ول.
ەستەرىڭىزگە سالا كەتەيىك, 2016 جىلدىڭ 15 شىلدەسىندە بولعان وقيعالار, تۇركيا دەموكراتيالىق جۇيەسى مەن كونستيتۋتسيالىق قۇرىلىمىنا قارسى توڭكەرىس جاساۋ ارەكەتى ەدى. وقيعا سالدارىنان 250 بەيبىت ازامات شەيىت بولىپ, 2 195 كىسى جارالاندى.
نۇرلىبەك دوسىباي, «ەگەمەن قازاقستان»