پوليەتسەيلەردى مەرەكەلەرىمەن وبلىستىق ىشكى ىستەر دەپارتامەنتىنىڭ باستىعى, پوليتسيا گەنەرال-مايورى مارات قوجاەۆ قۇتتىقتاپ, الداعى ۋاقتتىا دا وڭىردەگى قوعامدىق ءتارتىپتى ساقتاۋعا بار كۇش-جىگەرىن سالاتىنىنا سەنىم ءبىلدىردى.
جيىننان سوڭ پوليەتسەيلەردىڭ كاسىبي مەرەكەلەرىنە ارنالىپ, ەستاي اتىنداعى مادەنيەت سارايىندا كونتسەرت ءوتتى. ءوڭىردىڭ 300-گە جۋىق پوليتسيا قىزمەتكەرى مەن قۇقىق قورعاۋ سالاسىنىڭ ارداگەرى ماراپاتتالدى.
پوليتسيا قىزمەتى قاشان دا جاۋاپتى. ەلىمىزدە قولعا الىنعان قوعامدىق جانە جول قاۋىپسىزدىگىن قامتاماسىز ەتۋ ماقساتىندا «امبەباپ پوليتسەي» جوباسى 2012 جىلى قانات قاقتى جوبا نەگىزدە وبلىسىمىزدا جۇزەگە اسىرىلا باستادى. جول جانە پاترۋلدىك پوليتسيا قىزمەتى بىرىكتى. مەرەكەگە ارنالعان جيىن بارىسىندا ايتىلعانداي, مەملەكەت باسشىسىنىڭ «100 ناقتى قادام» – ۇلت جوسپارىن جۇزەگە اسىرۋ ماقساتىندا وتكەن جىلى جەرگىلىكتى پوليتسيا قىزمەتى قۇرىلدى. بيىلعى 5 ايدىڭ ىشىندە وڭىردە قۇقىقبۇزۋشىلىق دەڭگەيى 23,7 پايىزعا ازايدى. اۋىر جانە اسا اۋىر قىلمىس 27,1 پايىزعا تومەندەدى. ءتارتىپ ساقشىلارى جۇرگىزگەن پرافيلاكتيكالىق شارالار قوعامدىق ورىندارداعى قۇقىقبۇزۋشىلىقتى 25,7 پايىزعا, كوشەدەگى تارتىپسىزدىكتى 20 پايىزعا ازايتۋعا مۇمكىندىك بەردى. پوليتسەيلەردىڭ قىزمەتى ناتيجەسىندە بيىل 2201 قىلمىستىڭ بەتى اشىلدى. وبلىس ورتالىعىندا جەدەل باسقارۋ ورتالىعى جۇمىس جاسايدى. قالا ىشىندە ورنالاسقان بەينەباقىلاۋ كامەرالارىنىڭ بارلىق جەدەل اقپاراتتارى وسى ورتالىقتا قارالادى. سونداي-اق 3 كوشە قيىلىسىندا جول قوزعالىسىن باقىلايتىن «ينتەگرا – كدد» ينتەللەكتۋالدى جۇيەسى ورناتىلعان. بەينەباقىلاۋ كومەگىمەن جولدا 1592 قۇقىق بۇزۋشىلىق وقيعاسى انىقتالىپتى. ناتيجەسىندە جۇرگىزۋشىلەرگە 31 ميلليون تەڭگەگە جۋىق ايىپپۇل سالىندى.
وبلىستا ەلىمىزدە تۇڭعىش رەت «Zero Tolerance» پيلوتتىق جوباسى قولعا الىندى. جوبا ۇساق قۇقىقبۇزۋشىلىققا جول بەرمەۋ ماقساتىندا وبلىس اكىمدىگىنىڭ قولداۋىمەن جۇزەگە اسىرىلعان. قالا تۇرعىندارى «Zero Tolerance» ءموبيلدى قوسىمشاسى ارقىلى قۇقىق قورعاۋ ورگاندارمەن بايلانىسقا شىعا الادى. ءموبيلدى قوسىمشا قوسىلعالى بەرى ىشكى ىستەر دەپارتامەنتىنە تۇرعىندار تاراپىنان 106 حابارلاما كەلىپ تۇسكەن.
فاريدا بىقاي, «ەگەمەن قازاقستان» پاۆلودار وبلىسى