مەترو

وندا ۇيالى بايلانىس بولمايدى جانە لوگوتيپ وزگەرەدى الماتى تۇرعىندارى 20 جىلدان استام تاعاتسىزدانا كۇتىپ جۇرگەن مەترو ءتاۋ­ەل­سىزدىگىمىزدىڭ  20 جىلدىعىنا وراي قالالىقتار يگىلىگىنە بە­رىلمەك. بۇل كۇندەرى قۇ­رى­لىسى تولىق اياقتالعان مەترودا دايىندىق جۇمىستارى قارقىن الۋدا. مەترونىڭ ءساۋ­لەتتىك ءسان-سال­تا­ناتى قان­داي ەكەنىن ەل وعان وتىر­عاندا بىلە بەرەر. قازىرگى بەلگىلىسى, الماتى مەتروپوليتەنى ۇيالى بايلانىس­پەن قامتا­ماسىز ەتىلمەيدى جانە ونىڭ سيمۆولى وزگەرەدى. قالاي دەسەك تە, ەندىگى جەر­دە مەترونىڭ ۋادە ەتىلگەن مەرزىمدە ىسكە كىرىسۋى قاي جاعىنان دا اسا ماڭىزدى. ال مەترونىڭ ۇيالى باي­لا­نىس­پەن قام­تىل­مايتىندىعىنا كەلسەك, بۇل قادام قازاقستان ازاماتتارىنىڭ قاۋىپسىزدىگى ءۇشىن جاسالعان شارا. ەگەر ەلدىڭ ەسىندە بولسا, ماسكەۋ مەن مينسكىدەگى تەراكتىلەر ۇيالى بايلانىستىڭ كومەگى­مەن ىسكە اسقانى بەلگىلى. مەترو باس­پا­سوز قىزمەتىنىڭ مالىمدەۋىنشە, قۇقىق قورعاۋ ورگاندارى باسقا ەلدەردە ورىن العان قايعىلى وقيعالاردى قاپەرگە الا وتى­رىپ, مەترو ستانسالارى مەن قۇرىلعىلارىنا ۇيالى باي­لا­نىس قىز­مە­تىن ەنگىزبەۋ جايلى كەڭەس بەرگەن. بىراق, وسىعان قاراماي, كەيبىر ۇيالى باي­لا­نىس وپەراتورلارى مەترودا ءوز ابونەنتتەرىنە قىزمەت كور­سە­تۋگە داي­ىن ەكەندىگىن ءبىلدىرىپ, تەك رۇقسات الۋ­دى عانا كۇتىپ وتىرعان جايى بار. ال 7 ستانسادان تۇراتىن, ۇزىن­دى­عى 8,56 شاقىرىمدى قۇرايتىن الما­تى مەتروسى­نىڭ ءبىرىنشى كەزەگى جەل­توقسان ايىندا جۇرتتىڭ يگىلىگىنە بەرىلەتىندىگىنەن حالىق قۇلاع­دار بولىپ وتىر. جانە الما­تى مەتروسىنىڭ لوگوتيپى دە كوپشىلىكتىڭ كوڭىلىنەن شىق­پاي جۇرگەندىكتەن, بيىل ونىڭ بەلگىسىنە بايقاۋ جاريالانعان بو­لا­تىن. بۇل جارىسقا جاز ايلا­رىندا 180-گە تارتا جۇمىس قا­تىسىپ, 57 ادامنىڭ 96 جۇ­مى­سى ساراپتامالىق كوميسسيا مەن قوعامدىق تالقىلاۋعا ۇسى­نىلعان-دى. ونىڭ ىشىندە تار­تىمدى دەپ تابىلعان 8-ءى ىرىك­تەلىپ, 5-ءى قالالىق قۇرى­لىس كەڭەسىنىڭ شەشىم قا­بىل­داۋىنا اتتاندىرىلعان ەدى. بۇلار – ماكسيم مالى­شەۆ, را MOVATORS idea farm, انتون احماتوۆ, نيكيتا فرانكوۆسكي مەن رۋسلان سۇلەيمەنوۆتەردىڭ ەسكيزدەرى بولاتىن. ەڭ ۇزدىك دەپ تا­بىل­عان سيمۆول الما­تى قا­لاسى كۇنىندە بەلگىلى بولۋى ءتيىس ەدى. ال ساراپتامالىق كوميسسيا قۇ­رامىن­دا قازاق­ستان ديزاينەرلەر ودا­عىنىڭ ءتور­اعاسى تيمۋر سۇلەيمەنوۆ, كوپتەگەن بەدەلدى حالىقارا­لىق جانە قازاقستاندىق باي­قاۋلاردىڭ جۇلدەگە­رى   سەرگەي راديونوۆ,   استانا كۇنى­نىڭ 10 جىلدىعى جانە VII قىسقى ازيا ويىندارىنا كە­ڭەس بەرگەن دجانەت جاكيەن سياقتى ديزاينەرلەر جۇمىس ىستەگەن. ال وسى ارالىقتا  Face­book الەۋمەتتىك جەلىسى ارقى­لى ەڭ كوپ داۋىسقا   اسقار ما­حامبەتجانوۆ (70 داۋىس), ساكەن جولداس (154 داۋىس), انتون احماتوۆ (87 داۋىس) جانە ولەگ زۋەۆ (51 داۋىس) يەمدەنگەن بولاتىن. الايدا, قالالىق كەڭەس بەكىتكەن جاڭا لوگوتيپكە كوڭىلى تولماعان ينتەرنەت-قولدانۋشىلار قىزۋ قارسىلىق بىلدىرگەننەن كەيىن, شىلدە ايىندا قايتا كونكۋرس جاريالاندى. ەندى ەل قولداعان جاڭا سيم­ۆولدى تۇڭعىش مەترو جەلتوق­ساندا جولعا شىعاتىن بولادى. ايناش ەسالي, الماتى.