ساۋد ارابياسىنىڭ Saudi Arabian Mining Co ءىرى التىن ءوندىرۋشى كومپانياسى ەل ەكونوميكاسىنىڭ مۇنايعا تاۋەلدىلىگىن ازايتۋ ماقساتىندا التىن ءوندىرۋدى 2020 جىلعا قاراي ەكى ەسەدەن استام كولەمگە ارتتىرماق.
سونىمەن قاتار, كومپانيا اليۋميني, امياك سياقتى رەسۋرستاردىڭ دا كولەمىن ارتتىرۋدى جوسپارلاپ وتىر.
Bloomberg اگەنتتىگىنىڭ حابارلاۋىنشا, التىن ءوندىرۋ كولەمى 200 مىڭ ۋنتسيادان 500 مىڭ ۋنتسياعا دەيىن جەتكىزىلۋى كەرەك. ال اليۋميني 760 مىڭنان 1 ملن تونناعا دەيىن ارتادى.
ءوزىنىڭ ەكونوميكالىق باعدارلاماسىنا سايكەس, ساۋد ارابياسى كەن ءوندىرۋ كولەمىن ۇلعايتىپ, 2030 جىلعا دەيىن مۇناي-گازدان بولەك سالالارداعى جۇمىس ورىندارىنىڭ سانىن ەسەلەۋگە مۇددەلى.
وسىعان دەيىن, يراننىڭ مۇناي ءوندىرۋ كولەمىن كەمىتۋ جونىندەگى باستاماعا قولداۋ كورسەتۋدەن باس تارتۋىنا بايلانىستى ساۋد ارابياسى دا مۇناي ءوندىرۋدى ارتتىراتىنى ايتىلعان بولاتىن.