قر ينۆەستيتسيالار جانە دامۋ مينيسترلىگىنىڭ تۋريزم يندۋسترياسى دەپارتامەنتى قازاقستاننىڭ وڭىرلەرىنەن جەكە وزىندىك تۋريزم باسقارمالارىن اشۋ جونىندە باستاما كوتەردى.
«2016 جىلدىڭ سوڭىندا تۋريزم جونىندەگى جەدەل جۇمىس توبى ءماجىلىسىنىڭ قورىتىندىسى بويىنشا, قر پرەمەر-ءمينيسترىنىڭ ءبىرىنشى ورىنباسارى اسقار ءماميننىڭ جەتەكشىلىگىمەن وڭىرلىك اكىمدىكتەرگە جەكەلەگەن تۋريزم باسقارمالارىن قۇرۋ ماسەلەسىن قاراستىرۋ جونىندە كەڭەس بەرىلگەن»,-دەپ جازدى Facebook الەۋمەتتىك جەلىسىندەگى اككاۋنتىندا قر ينۆەستيتسيالار جانە دامۋ مينيسترلىگىنىڭ تۋريزم يندۋسترياسى دەپارتامەنتىنىڭ ديرەكتورى مارات يعالي.
قازىرگى تاڭدا تۋريزم باسقارماسى الماتى, اقمولا, الماتى جانە ماڭعىستاۋ وبلىستارىنىڭ اكىمدىكتەرىنىڭ جانىنان قۇرىلىپ, جۇمىس ىستەۋدە. وزگە وڭىرلەردە وبلىستىق كاسىپكەرلىك باسقارمالارى مەن يندۋستريالدى-يننوۆاتسيالىق دامۋ باسقارمالارىنىڭ قۇرىلىمدارىندا عانا تۋريزم بولىمشەلەرى بار.
«بۇۇ 2017 جىلدى تۇراقتى ءتۋريزمدى دامىتۋ جىلى دەپ جاريالادى. وسى رەتتە وڭىرلىك اكىمدىكتەردىڭ قۇرىلىمدارىنان جەكەلەگەن تۋريزم باسقارلامالارىن قۇرۋ - قازاقستاندا ىشكى ءتۇريزمدى جۇيەلى تۇردە جۇزەگە اسىرۋعا زور مۇمكىندىك بەرەدى دەگەن ويدامىن. ناقتىراق ايتقاندا 2017 جىلى ءار وڭىردە ءتۋريزمدى دامىتۋدىڭ جۇيەلى جوسپارىن قابىلداۋ مەن جۇزەگە اسىرۋ شارالارىن باستاۋ ۇسىنىلىپ وتىر»,-دەدى مارات يعالي.