بقو پروكۋراتۋراسى سوت اكتىلەرىنىڭ زاڭدىلىعىن قاداعالاۋ جانە قىلمىستىق ىستەر بويىنشا مەملەكەتتىڭ مۇددەسىنە وكىلدىك ەتۋ باسقارماسىنىڭ باسشىسى نۇرلان ماقاتوۆتىڭ سوزىنە قاراعاندا, سونىڭ ىشىندە ۇشەۋى – ايەل, بىرەۋى – ءجاسوسپىرىم, 79-ى – ەر ادام. قىلمىستىق تەرىس قىلىق بويىنشا 20, اسا اۋىر ەمەس قىلمىستار بويىنشا 24, ورتاشا دارەجەلى قىلمىستار بويىنشا 24, اۋىر قىلمىستار بويىنشا 20 راقىمشىلىق شاراسى قولدانىلدى.
نۇرلان ماقاتوۆتىڭ ايتۋىنشا, جىل باسىنان بەرى پروكۋرورلار بارلىعى 438 قىلمىستىق ءىس بويىنشا مەملەكەتتىك ايىپتاۋدى قولداسا, سونىڭ ىشىندە جەمقورلىق قىلمىستارى ۇنەمى باقىلاۋدا. قىلمىستىڭ بۇل ءتۇرى بويىنشا وبلىس سوتتارى 13 ادامعا قاتىستى 11 قىلمىستىق ءىستى قاراپ, بارلىعىندا ايىپتاۋ ۇكىمدەرىن شىعاردى. سونىڭ ىشىندە التاۋى باس بوستاندىعىنان ايىرىلسا, تورتەۋىنىڭ باس بوستاندىعى شەكتەلىپ, راقىمشىلىق زاڭىنا سايكەس نەگىزگى جازادان بوساتىلدى. ەكى سوتتالۋشىعا (ورازباەۆا مەن الىموۆاعا) باس بوستاندىعىنان ايىرۋ جازاسىنىڭ مەرزىمى 3 جىل 6 ايعا دەيىن قىسقارتىلدى. سونداي-اق, ءۇش سوتتالۋشىعا ايىپپۇل سالىندى.