«ەير استانا» ۇزدىكتەر قاتارىندا

«ەير استانا» ۇلتتىق اۋە تاسى­مالداۋشىسى وتكەن جىلدىڭ وسى كەزەڭىمەن سالىستىرعاندا وتىن­نىڭ 35 پايىزعا قىمبات­تا­ۋىنا قارا­ماستان بيىلعى جىلدىڭ ال­عاشقى جارتىجىلدىعىندا جو­عارى كورسەتكىشكە قول جەتكىزدى. اۆياكەروسين وندىرىستىك قىزمەت شىعىن­دارىنىڭ جالپى كولەمىنىڭ 25 پايىزىن قۇرايدى جانە شى­عىن­داردىڭ ەڭ ءىرى سالاسى بولىپ تابىلادى. وتكەن جىلدىڭ وسى ۋاقىتىمەن سالىستىرعاندا, تاسى­مال­دانعان جولاۋشىلار سانى 18,7 پايىزعا ءوستى جانە 1355113 جو­لاۋشىنى قۇرادى. ۇستىمىزدەگى جى­لى اۋە كومپانياسى التى «ەم­براەر 190» ايماقتىق ۇشاعىنىڭ العاشقى ەكەۋىن الدى جانە ور­تالىق ازيا قالالارىنا ۇشۋ جيىلىگىن كوبەيتتى. سونىمەن «ەير استانا» رەسەي­دىڭ سامارا قالاسىنا, گرۋزيا اس­تاناسى تبيليسيگە جاڭا رەيستەر اشتى جانە وسى جىلدىڭ سوڭىندا گونكونگكە رەيس اشۋدى جوسپارلاپ وتىر. اۋە كومپانياسى ۇزاق مەرزىمدى وپەراتسيالىق ليزينگكە الىن­عان 24 ۇشاققا يە, سونىمەن قاتار 2012 جىلى جەتكىزىلەتىن سەگىز اۋە كەمەلەرىن ساتىپ الدى (6 اۆيالاينەر «ەيرباس 320», 2 اۆيالاينەر «ەمبراەر 190»). جاقىن ارادا قا­زاقستان ازاماتتىق اۆياتسياسى­نىڭ كوشباسشىسى جاڭا الىس ماگيسترالدىك ۇشاقتارىن ساتىپ الۋ بويىنشا كەلىسىم-شارتتى جاساۋدى جوسپارلاپ وتىر. بارلىق اۋە كە­مەلەرىنىڭ ساتىپ الىنۋى مەملەكەت نەمەسە اكتسيونەرلەر تاراپىنان سۋب­­سيديالاردى تارتۋسىز ياعني اۋە­كومپانيانىڭ ءوزىنىڭ قاراجاتى ەسە­بىنەن جۇزەگە اسىرىلادى. جۋىردا «ەير استانا» اۋە كوم­پانيالارى قىزمەتىنىڭ ساپاسىن زەرتتەۋمەن اينالىساتىن Skytrax جەتەكشى دۇنيەجۇزىلىك تاۋەلسىز اگەنتتىگىنىڭ ساۋالناماسى بو­يىن­شا «شىعىس ەۋروپاداعى ۇزدىك اۋە كوم­پانياسى» نوميناتسياسىندا 2-ءشى ورىنعا يە بولدى. اۋە تاسى­مالداۋشى «بوينگ 757» توبىنىڭ ۇشاقتارىنداعى بيزنەس-كلاسس سا­لو­نىن­دا جاتىن كرەسلولاردى ور­نات­تى جانە ۇستىمىزدەگى جىلى «بوينگ 767» ۇشاقتارىندا دا وسىنداي كرەسلولاردى قۇرۋعا كىرىستى. اۋە تاسىمالداۋشى (IOSA) وپەراتسيا­لىق قاۋىپسىزدىگى بويىنشا ءاۋديتى ەشبىر ەسكەرتۋسىز ءوتتى.  اۆيا­تسيا­لىق قاۋىپسىزدىك ءجونىن­دەگى ەۋرو­پالىق اگەنتتىكتىڭ (EASA) تەح­نيكالىق قىزمەت كورسە­تۋگە ار­نالعان ليتسەنزياسى بىرىككەن كو­رول­دىگىنىڭ ازاماتتىق اۆيا­تسيا­سىنىڭ ورگاندارىمەن ۇزارتىل­دى. بۇدان باسقا, ورتالىق ازيا­داعى العاشقى بولىپ تابىلاتىن  ال­ماتىداعى جاڭا وندىرىستىك تسەح تا EASA ليتسەنزياسىن الدى. جا­قىن ۋاقىتتا بۇل كەشەن اۋەكوم­پانياعا «ەيرباس ا 320» توبىنىڭ ۇشاق­تارىنا كۇردەلى تەحنيكالىق قىزمەت كورسەتۋىن (س سheck دەپ اتا­­لاتىن) باستاۋعا جاعداي تۋعى­زادى. بۇدان باسقا ۇلتتىق اۋە­تاسىمالداۋشى فلوريدا شتاتىن­داعى تەحنولوگيالار ينستي­تۋ­تىن­دا قازاقستاندىق پيلوتتاردىڭ وقۋىن جانە سونىمەن قاتار, ۇلىبريتانيا جانە سول­تۇستىك يرلانديا بىرىككەن كورولدىگىندەگى بريستولدىك ۋنيۆەرسيتەتىندە قا­زاق­ستاندىق ينجەنەرلەردىڭ وقۋىن جالعاستىرىپ كەلەدى. باقىت بالعارينا, الماتى.