قازاقستاندا 1 تامىزدان باستاپ بايلانىس وپەراتورلارى ءۇشىن ينتەرنەت ءتاريفى ورتا ەسەپپەن ەكى ەسەگە ارزاندايدى. بۇل جونىندە Twitter-دەگى جەكە پاراعىندا بايلانىس جانە اقپارات ءمينيسترى اسقار جۇماعاليەۆ مالىمدەدى.
«قازاقتەلەكوم» 1 شىلدەدەن باستاپ Megaline تاريفتىك جوبالارىنىڭ جىلدامدىعىن ارتتىرادى. ال 1 تامىزدان باستاپ بايلانىس وپەراتورلارى ءۇشىن ينتەرنەتتىڭ شەكتى تاريفتەرى ورتا ەسەپپەن ەكى ەسەگە ارزانداتىلاتىن بولادى. جۇمىسىمىزدى وسى باعىتتا جالعاستىراتىن بولامىز», – دەپ جازدى ا. جۇماعاليەۆ.
بايلانىس جانە اقپارات مينيسترلىگى ءباسپاسوز قىزمەتىنىڭ ناقتىلاۋىنشا, باسىم بايلانىس وپەراتورلارى باعاسىنا جاسالعان ساراپتاۋ ناتيجەلەرى بويىنشا «قازاقتەلەكوم» اق جانە «ترانستەلەكوم» اق-پەن كورسەتىلەتىن ينتەرنەت جەلىسىنە باستاپقى قوسىلۋ قىزمەتتەرىنىڭ شەكتى تاريفتەرى (بايلانىس وپەراتورلارى ءۇشىن) ورتا ەسەپپەن 2 ەسەگە ارزانداعان.
سونىمەن قاتار «قازترانسكوم» اق پەن «نۇرسات» اق 2011 جىلدىڭ 1 تامىزىنان باستاپ تاريفتەرىن شامامەن 38%-عا ءتومەندەتپەك.
ءباسپاسوز قىزمەتىنىڭ اقپاراتتارىنا قاراعاندا 1 ماۋسىمنان باستاپ ماڭعىستاۋ وبلىسى, جاڭاوزەن قالاسى اۋماعىنداعى شەكتى پايدالانۋشىلار ءۇشىن «شەر-ك» جشس ينتەرنەت جەلىسىنە قوسىلۋ قىزمەتىنىڭ تاريفتەرى 20%-عا ارزاندادى.
قازىرگى ۋاقىتتا «قازاقتەلەكوم» اق شەكتى پايدالانۋشىلارى ءۇشىن ينتەرنەت جەلىسىنە قوسىلۋ قىزمەتىنىڭ قۇنىنا ساراپتاۋ جۇمىستارى جۇرگىزىلۋدە.