كەشە پارلامەنت ءماجىلىسى توراعاسىنىڭ ورىنباسارى ءجانىبەك كارىبجانوۆ «مەملەكەتتىك قارجىلىق باقىلاۋ – ەكونوميكانى تۇراقتاندىرۋ قۇرالى» حالىقارالىق عىلىمي-پراكتيكالىق كونفەرەنتسيا جۇمىسىنا قاتىسىپ جاتقان قارجىلىق باقىلاۋدىڭ جوعارى ورگاندارى باسشىلارىمەن كەزدەستى, دەپ حابارلادى ءماجىلىستىڭ ءباسپاسوز قىزمەتى.
كەزدەسۋدە ج.كارىبجانوۆ مەملەكەتتىك قارجىلىق باقىلاۋعا قاتىستى ەڭ وزەكتى ماسەلەلەردى بىلىكتىلىكپەن تالقىلاۋدىڭ ماڭىزدىلىعىن ايتا كەلىپ: «بيىل قازاقستان ءوز تاۋەلسىزدىگىنىڭ 20 جىلدىعىن اتاپ وتەدى. ال ەسەپ كوميتەتى قۇرىلعاننان بەرى 15 جىل بويى ءوز قىزمەتىن اتقارىپ كەلەدى. ەكونوميكانى تۇراقتاندىرۋعا ءۇلكەن ۇلەسىن قوسىپ وتىر. مۇنداي اۋقىمدى جۇمىستار جاساۋعا جاعداي جاسالعان. ونىڭ ىشىندە قاجەتتى زاڭدار, نورماتيۆتىك قۇقىقتىق اكتىلەر قابىلداندى. بۇل سالادا جۇمىسىمىزدى ءالى دە جالعاستىرامىز. ەسەپ كوميتەتىنىڭ قىزمەتىن جەتىلدىرۋ كەرەك. مىسالى, جۋىردا عانا زاڭ قابىلداندى, وندا رەسپۋبليكالىق بيۋدجەتتىڭ اتقارىلۋىن باقىلاۋ ءجونىندەگى ەسەپ كوميتەتى جەرگىلىكتى بيۋدجەتتەردىڭ قالاي ورىندالىپ جاتقانى تۋرالى مالىمەت الۋعا قۇزىرەت الدى», دەدى.
كەزدەسۋدە ءسوز العان رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ توراعاسى ومارحان وكسىكباەۆ ءوزى جەتەكشىلىك ەتەتىن ۇجىمنىڭ تىنىس-تىرشىلىگى تۋرالى, شەتەلدىك مەيماندارمەن ءتاجىريبە الماسۋ بارىسى جايلى ايتىپ بەردى. شەتەلدەن كەلگەن مەيماندار دا ءوز پىكىرلەرىن ورتاعا سالدى.
«ەگەمەن-اقپارات».