سۇلۋلىق پەن نازىكتىكتى گۇلمەن سالىستىرامىز. گۇل – قۋانىش سىيلايدى, ادام جانىن نۇرعا بولەيدى. وسىنداي القىزىل راۋشان گ ۇلىنىڭ حوش ءيىسى اڭقىعان قالانىڭ ءسولتۇستىگىندە كوزگە ەرەكشە تۇسەتىن عيماراتقا كىرسەڭىز, سۇلۋلىقتىڭ سىرىن ۇعىناسىز.
«Green House – جاسىل ءۇي» جىلىجاي كەشەنى 2008 جىلدان بەرى ءتورت ءتۇرلى راۋشان گ ۇلىن ءوسىرىپ, باپتاۋدى قولعا العان. تەكەلىنىڭ جايقالعان گۇلدەرىن استانا, الماتى, قاراعاندىنىڭ تۇتىنۋشىلارى مەن وزگە دە ءىرى قالالاردىڭ جۇرتشىلىعى الادى. گوللانديالىق تەحنولوگيا جەتىستىگىمەن كۇن سايىن ساباعىنان ءۇزىلىپ الىناتىن 4-5 مىڭ تال حوش ءيىستى راۋشان گۇلدەرى سۋارىلىپ, سوسىن ارنايى توڭازىتقىشتا ساقتالادى. سۇرانىسقا وراي كەيىن تۇتىنۋشىعا جول تارتادى.
ەلىمىزدەگى 2010-2014 جىلدارعا ارنالعان ۇدەمەلى يندۋستريالىق-يننوۆاتسيالىق دامۋ باعدارلاماسى اياسىندا «قازاگروفينانس» قوعامى ارقىلى قارجىلاندىرىلعان 1293,7 ميلليون تەڭگەگە «Green House-جاسىل ءۇي» سەرىكتەستىگى جىلىجاي كەشەنىنىڭ قوسىمشا قۇرىلىسىن دا قاتار جۇرگىزۋدە.
تەكەلىنىڭ الەۋمەتتىك-ەكونوميكالىق تىنىسىن اشا تۇسەتىن جوبانىڭ جاي-كۇيىن يندۋستريا جانە جاڭا تەحنولوگيالار مينيسترلىگىنىڭ ونەركاسىپ كوميتەتى قۇرىلىس يندۋسترياسى باسقارماسى ءجىتى نازاردا ۇستاۋدا. قازىرگى تاڭدا راۋشان گۇلدەرىن ءوسىرىپ, ونى وتاندىق رىنوكقا شىعارعان جىلىجايعا جالعاستىرا سالىنعان قۇرىلىستىڭ ءبىراز جۇمىسى ەڭسەرىلىپ قالعان. جىلىجاي كەشەنىنىڭ ەرەكشەلىگى قۋات كوزىنىڭ تيىمدىلىگى مەن جاڭا تەحنولوگيالاردى پايدالانۋ ارتىقشىلىعى دەۋگە بولادى.
جىلىجايدىڭ بولاشاققا قۇرعان جوسپارى گۇلمەن ەمەس, باستاپقى تاجىريبە كوكونىس وسىرۋمەن ۇشتاسقانىن دا ايتقان ءجون. جىلىجاي سالۋدىڭ جاڭا تەحنولوگياسىن ابدەن مەڭگەرگەن قۇرىلىستىڭ باس مەردىگەرى «بازيس-ست» سەرىكتەستىگى قولعا العان جوبانىڭ جالپى قۇنى 1581,4 ميلليون تەڭگە. «قازاگروفينانستىڭ» جوعارىدا اتالعان سوماسىنان قالعان 287,7 ميلليوندى جىلىجاي ۇجىمى كوتەرىپ وتىر.
گوللانديالىق تەحنولوگيامەن سالىنعان جىلىجاي كەشەنىندە ءوسىرىلەتىن كوكونىس تە راۋشان گ ۇلى سەكىلدى ادىسپەن باپتالادى. بيىلعى قاراشا ايىنان باستاپ قيار مەن قىزاناق وسىرىلمەكشى. جوبالىق قۋاتى جىلىنا 1650 توننا قيار جانە 1375 توننا قىزاناق ءوسىرۋ بولسا, ءوڭىر تۇرعىندارىنىڭ داستارقانىنان قىسى-جازى كوكونىس ۇزىلمەيدى دەپ ۇمىتتەنەمىز. جۇمىس اۋقىمى كەڭەيەتىن جىلىجايدا قوسىمشا 60 ادامعا تۇراقتى جۇمىس ورنى اشىلىپ, تاعى دا شاھارلىقتار ەڭبەككە تارتىلاتىنى قۋانىشتى.
سەرپىندى جوبا پايدالانۋعا بەرىلىپ, ەل يگىلىنە اسار كۇن دە جاقىن. وسىلايشا ەكولوگيالىق جاعىنان تازا كوكونىس تۇرلەرى دۇكەن سورەلەرىنەن ورىن الادى.
كۇمىسجان بايجان.