سونىمەن بىرگە, ونىڭ باعاسىنىڭ نەگىزسىز ءوسۋ كورىنىستەرى ورىن الدى. بۇگىنگى كۇنى مۇنىڭ باستى سەبەبى, كولەڭكەلى بيزنەستىڭ باس كوتەرگەنى, ءارتۇرلى اكىمشىلىك توسقاۋىلدار جانە ادەيى قولدان جاسالعان ۇزىن-سونار تىزبەك پەن كەزەك ەكەنى بەلگىلى بولىپ وتىر. ءارى وسى جاعدايدى جۇمىرتقادان ءجۇن قىرىققان دەلدالدار ءوز پايدالارىنا ۇتىمدى پايدالانا بىلگەن.
وسى ماسەلەنى رەتتەۋ ءۇشىن وبلىستا قۇرىلعان شتاب سۇيىق وتىننىڭ ناقتى قۇنى قانداي ەكەنىن ايقىنداۋعا دەن قويعان ەدى. قازىرگى ونىڭ بولشەك ساۋداداعى باعاسى 25 پايىزعا دەيىن ءتومەندەگەنى شتاب قۇرامىنىڭ ءناتيجەلى قىزمەتىنىڭ بەلگىسىندەي اسەر قالدىرادى. ياعني بۇگىندە وتىننىڭ ءبىر ءليترىنىڭ قۇنى 55-تەن 41 تەڭگەگە ءتومەندەدى. بۇعان قوسا سوڭعى كۇندەرى سۇيىتىلعان گاز كولەمى دە بىرنەشە ەسە ءوسىپ, 7200 توننانى قۇرادى. وسىنىڭ ءبارى سۇيىتىلعان گازعا دەگەن زارۋلىكتى ءتومەندەتىپ, گاز قۇيۋ بەكەتتەرىندە ونىڭ وڭتايلى باعامەن بەرىلۋىنە جول اشتى.
اتاپ ايتار بولساق, اقتوبە قالاسىندا زاۋىت ءونىمىن وتىز گاز قۇيۋ بەكەتى ءجۇزەگە اسىرادى. كۇن سايىن تۇتاستاي ءوڭىردەگى جانە وبلىس ورتالىعىنداعى اۆتوكولىككە گاز قۇيۋ بەكەتىنە 390 توننا جانارماي تۇسەدى. شتاب باسشىسى وبلىس اكىمىنىڭ ورىنباسارى قايرات بەكەنوۆتىڭ مالىمدەۋىنشە اتالعان كولەم سۇيىتىلعان گازعا دەگەن ىشكى قاجەتتىلىكتى وتەۋگە تولىعىمەن جەتەدى. سونداي-اق, ونىڭ ايتۋىنشا وتىننىڭ بار جوعى مەن مولشەرىنە جانە باعاسىنا تۇراقتى تۇردە جۇرگىزىلگەن مانيتورينگتەر دە وڭ اسەرىن تيگىزگەن.
تەمىر قۇسايىن,
«ەگەمەن قازاقستان»
اقتوبە وبلىسى