باعدارلامانى ىسكە اسىرۋ ءوسىپ كەلە جاتقان ۇرپاقتىڭ بويىندا قازاقستاندىق پاتريوتيزم, ازاماتتىق بىرەگەيلىك جانە بۇكىل قازاقستان حالقىنىڭ قوعامدىق كەلىسىمى سەزىمدەرىن ودان بەتەر نىعايتاتىن بولادى. ارينە, پاتريوتيزم تۋعان تاريح پەن مادەنيەتتەن, انا تىلىنەن, تۋعان وتباسىنان ونەدى. بەلسەندى جاسامپاز پاتريوتيزم ەلدىڭ جەتىستىكتەرىمەن, ءبىزدىڭ زامانىمىزدىڭ قاھارماندارىنىڭ ناقتى ىستەرىمەن قۋاتتانىپ, نىعايتىلۋعا ءتيىس. باعدارلامادا «بىزدىكىنىڭ بارلىعى» كورىنىس تاپقان دەپ سانايمىن, ويتكەنى وندا ءبىزدىڭ وتانىمىزدىڭ – قازاقستان رەسپۋبليكاسىنىڭ يگىلىگىنە جۇمىس جاساپ جاتقاندار ءۇشىن ەڭ ماڭىزدىسى, ەڭ قۇندىسى جانە جاقىنى جينالعان ەمەس پە. قازاقستان حالقى اسسامبلەياسى جاستارىنىڭ كوشباسشىسى رەتىندە «بولاشاققا باعدار: رۋحاني جاڭعىرۋ» باعدارلاماسى – بۇل ءبىزدىڭ ەلىمىزدىڭ جاستارى ءۇشىن جول كارتاسى ەكەندىگىن ايتامىن! بۇل جوسپارلار, ءسوز جوق, ۇلتتىق ەكونوميكاعا جانە قازاقستاندىقتاردىڭ ءال-اۋقاتىنا قولايلى اسەرىن بەرەدى. ەڭ باستىسى – ولاردى ساپالى اتقارىپ شىعۋ. بۇل ءوز كەزەگىندە مۇلدەم بىرەگەي جاسامپازدىق رۋحىن تۋدىراتىن بولادى! ماعان مۇنداي اۋقىمداعى جانە وسىنشاما قوعامدىق ماڭىزى بار باعدارلامالار ۇلتتى بەكەمدەيتىن, ازاماتتىق بىرەگەيلىكتى نىعايتاتىن وزىندىك ۇلتتىق جەلى بولا باستايتىنداي بولىپ كورىنەدى. ويتكەنى, وتان – بۇل تەك جەر, ورتاق اۋماق قانا ەمەس, وتانداستار – ورتاق مادەنيەتتى, ءتىلدى, داستۇرلەردى تاراتۋشىلار دا ەمەس پە.
قوعامدا پرەزيدەنت ماقالاسىن كەڭىنەن تالقىلاۋدى ورىستەتۋ كەرەك. تالقىلاۋ ازاماتتىق قوعامنىڭ قۇرىلىمدارىنا كوشۋگە ءتيىس. بۇل باعىتتا قحا ازاماتتىق قوعامداعى قوزعاۋشى كۇش جانە ەلباسىنىڭ بارلىق يدەيالارى مەن باعدارلاماسىن قازاقستان حالقىنا ءتيىمدى جايۋشى رەتىندە وتە ماڭىزدى ءرول اتقارىپ شىقپاق.
مەن جاستاردىڭ مىندەتى – ءبىزدىڭ الدىمىزدا ەرەسەك بۋىن قويىپ وتىرعان جانە «بولاشاققا باعدار: رۋحاني جاڭعىرۋ» ماقالاسىندا ايقىن بەلگىلەنىپ كورسەتىلگەن مىندەتتەردى ءتۇسىنۋ جانە زەردەلەۋ دەپ ويلايمىن. بۇل الدىنداعى تاجىريبەنى ءبىز كوشىرىپ الۋعا جانە «دالمە-ءدال» قايتالاپ شىعۋعا ءتيىسپىز دەگەندى استە بىلدىرمەيدى. ءوزىنىڭ الۋان تۇرلىلىگىمەن جانە جىلدام دامۋىمەن ءومىردىڭ ءوزى دە بۇعان ەرىك بەرمەيدى. ال جاستارعا الەمدەگى جاعدايدى بايقاۋ, جالپى دۇنيەجۇزىلىك ۇردىستەردى قاداعالاۋ, تۇجىرىمدار جاساۋ جانە ولاردى مەملەكەت باعىتىمەن, ونىڭ بىزگە ەرەسەك بۋىن ەستافەتا سەكىلدى تابىستايتىن دامۋ كارتاسىمەن سالىستىرىپ قاراۋ قاجەت.
راسۋل احمەتوۆ,
«جاراسىم» رەسپۋبليكالىق جاستار ۇيىمىنىڭ توراعاسى, قازاقستان حالقى اسسامبلەياسىنىڭ مۇشەسى