ەلباسى قازاقستاندىقتار الدىندا شىن مانىندە شىعارماشىلىق ەركىندىك پەن ومىرلىك مۇمكىندىكتەر اشىپ وتىر. بۇل – زاماناۋي دامۋدىڭ شارتى, التىن ارقاۋى. ونى دەر ۋاقىتىندا پايدالانا الۋعا, ىسكە اسىرا بىلۋگە ءتيىسپىز.
قازىرگى زامان قاجىرلى ەڭبەكتى, قايراتتى كۇرەستى تالاپ ەتەدى. قازاقستان كوشباسشىسى ايتقانىنداي, ءبىز ۇلتتىق كودىمىزدى ساقتاپ, بولمىسىمىزدى جات يدەولوگيالاردان قورعاۋىمىز كەرەك. جانە مەملەكەتتىلىككە تونگەن جاھاندىق سىن-قاتەرلەر سانى ارتقان سايىن «كۇرەس كەڭىستىگى» دە كەڭەيۋدە: مەملەكەتتەر انتالاعان ەكسترەميزممەن, سەپاراتيزممەن, تەرروريزممەن كۇرەسۋگە ءماجبۇر.
تىنىمسىز كۇرەستەن قاجىعان, الەۋەتىن تۇگەسكەن ەلدەر ءوز تاريحىنىڭ سوڭىنا تايايدى, جولىنىڭ تىعىرىق, تۇيىعىنا تىرەلەدى. ال جاسامپازدىق تانىتىپ, ۇدايى جاڭعىرۋ جولىنان تايماعان مەملەكەتتەر عانا كەزەكتى تاريحي بەلەسىنە كوتەرىلەدى.
قازاقستان رۋحاني كەمەلدەنگەن مەملەكەتكە اينالسا, ءوز دامۋىن «بولاشاق پروگرەسس قۋاتىمەن» تولتىراتىن بولادى.
باقىتبەك سماعۇل,
پارلامەنت ءماجىلىسىنىڭ دەپۋتاتى