بيىلعى اقپاندا جىلجىمايتىن م ۇلىك نارىعىندا ءسال-ءپال وزگەرىستەر بولادى. قايتالاما نارىقتا 2017 جىلعا ارنالعان بولجام بويىنشا, باعا 7-10 پايىزعا تومەندەيدى, ال جاڭا باسپانالار نارىعى ازىرشە باعانى وسى دەڭگەيىندە ۇستاپ تۇرادى, - دەپ حابارلايدى Tengrinews.kz.
مۇنداي پىكىردى جىلجىمايتىن م ۇلىك ساتىپ الۋشىلارعا ارنالعان Homsters.kz حالىقارالىق ونلاين-سەرۆيسىنىڭ باسقارۋشى سەرىكتەسى ماريا رەن ايتىپ وتىر.
"2017 جىلعا ارنالعان بولجامىمىز - قايتالاما نارىقتا باعا 7-10 پايىزعا تومەندەيدى. ءبىز بۇل بولجامدى ءالى دە راستايمىز, سوندىقتان اقپان ايىندا "ەسكى" باسپانا قۇنىنىڭ 0,2-0,3 پايىز شاماسىندا ءسال-ءپال تومەندەۋى تىركەلەدى دەپ كۇتەمىز. نارىقتىڭ جاندانۋى, بىزدىڭشە, اقپاننىڭ ەكىنشى جارتىسىندا جانە ناۋرىزدا بولادى, بىراق بۇل ارالىقتا دا باعا ايتارلىقتاي تومەندەيدى دەي المايمىز. كەرىسىنشە, نارىققا جان ءبىتىپ, ساتىپ الۋشىلاردان سۇرانىس بولا باستاعاندا, باعا سول دەڭگەيىندە تۇراقتالا بەرۋى مۇمكىن", - دەپ بولجادى مامان رەداكتسيانىڭ رەسمي ساۋالىنا بەرگەن جاۋابىندا.
ايتۋىنشا, بۇدان شىعاتىن قورىتىندى: باعانىڭ ايتارلىقتاي تومەندەۋىن كۇتىپ, باسپانا ساتىپ الۋدى ۇزاق ۋاقىتقا كەيىنگە قالدىرۋ ءجون بولا قويماس.
"ەكونوميكاداعى احۋال تۇراقتالىپ كەلەدى, تەڭگە قالپىندا, حالىقارالىق ساراپشىلار وسى جىلدان باستاپ, ىشكى جالپى ءونىم ءوسىمى قايتا بايقالاتىنىن بولجاپ وتىر. بۇل ورايدا باعانىڭ ەداۋىر, ونىڭ ۇستىنە, جىلدام تومەندەمەيتىنى انىق. ال قايتالاما نارىقتا اقشا تولەۋگە دايىن ساتىپ الۋشىلار باسپانا ساتۋشىلارعا قاراعاندا از", - دەي كەلە مامان مۇنداي جاعدايدا تاباندى ساتىپ الۋشىنىڭ نارىقتا باعانىڭ تومەندەۋىن كۇتكەننەن گورى ساتۋشىمەن ءبىراز ساۋدالاسۋعا جانە ودان جاقسى جەڭىلدىك الۋعا مۇمكىندىگى كوپ ەكەنىن ايتىپ ءوتتى.
جاڭا باسپانالار نارىعى بولسا, بولجامعا قاراعاندا, ازىرشە باعانى وسى دەڭگەيىندە ۇستاپ تۇرادى. "مۇنىڭ سەبەبى - ارزانداتۋدىڭ بىرنەشە كەزەڭىنەن سوڭ ءۇي سالۋشىلاردىڭ كوبى "قۇرىلىستىڭ وزىندىك قۇنى + ۇستالعان شىعىندار" دەڭگەيىنەن الىس كەتە الماي جۇمىس ىستەپ جاتقاندىقتان, بۇل سەگمەنتتە باعانى تومەندەتۋگە مۇمكىندىك بەرەتىن شارتتار قالمادى", - دەپ ءتۇسىندىردى ول.
سونىمەن بىرگە, قايتالاما نارىقتاعى باسپانالار ساپاسىنىڭ تومەندىگىنە بايلانىستى ساتىپ الۋشىلار جاڭا ۇيلەردى ءجيى تاڭدايتىن بولعان, وسىعان بايلانىستى بۇل دا باعانىڭ تومەندەمەۋىنە ىقپال ەتەدى دەيدى ماريا رەن.