اقش پرەزيدەنتى دونالد ترامپ اق ۇيدە امەريكالىق ءىرى كومپانيا باسشىلارىمەن كەزدەسىپ, بيلىكتىڭ جەكە سەكتورعا قىسىمىن ازايتىپ, مەملەكەتتىڭ بيزنەستى رەتتەۋ تەتىكتەرىن قىسقارتىپ, سالىقتى ازايتۋعا ۋادە ەتتى. سونىمەن قاتار اق ءۇي باسشىسى امەريكالىق كومپانيا ونىمدەرىن سىرتتا ءوندىرىپ قايتا ەلگە يمپورتتايتىندارعا جازانى كۇشەيتەتىنىن ەسكەرتتى, دەپ جازادى investing.
ترامپ بىرەر كۇن بۇرىن وتكەن يناۋگۋراتسيا راسىمىندە اقش-تىڭ بۇرىنعى ونەركاسىپتىك قۋاتىن قالپىنا كەلتىرەتىنىن ايتقان ەدى.
اق ۇيدەگى كەزدەسۋدە ترامپ Ford, Dow Chemical, Dell Technologies, Tesla جانە وزگە دە جەرگىلىكتى ءىرى كومپانيا باسشىلارىمەن اڭگىمەلەستى. كەزدەسۋ بارىسىندا پرەزيدەنت قازىرگى 35 پايىزدىق سالىقتى 15-20 پايىزعا تۇسىرەتىنىن ايتتى.
سونىمەن قاتار ترامپ مەملەكەتتىك رەتتەۋ شارالارىن 75 پايىزعا دەيىن ازايتاتىنىن ايتتى.