اۆستراليا بيلىگى اۋەجايلارداعى تولقۇجاتتىق باقىلاۋدان باس تارتقان الەمدەگى العاشقى ەل اتانباق. ولار جولاۋشىلاردىڭ بيومەتريالىق مالىمەتتەرىن تىركەيتىن سەنسورلى جۇيە ورناتۋدى كوزدەپ وتىر, دەپ جازدى قازاقپارات moya-planeta.ru سايتىنا سىلتەمە جاساپ.
بۇعان دەيىن اۆستراليانىڭ كەي اۋەجايلارى تولقۇجاتتى اۆتوماتتى تۇردە تەكسەرەتىن SmartGates جۇيەسىن ەنگىزگەن. جاڭا مەحانيزم ودان ءارى جەتىلدىرىلمەك. ول 2020 جىلعا قاراي ورناتىلىپ, جولاۋشىلاردىڭ 90 پايىزىن جاناسۋسىز تەكسەرە الادى. بۇل الەمنىڭ بارلىق جولاۋشىلارىنا اۆستراليالىق اۋەجايلاردا ءوزىن ىڭعايلى سەزىنۋىنە مۇمكىندىك بەرەدى. تەكسەرۋ ءۇشىن ولاردى توقتاتۋدىڭ قاجەتى بولمايدى. جولاۋشى دالىزدەن ءوتىپ بارا جاتقاندا, جۇيە ولاردىڭ مالىمەتتەرىن وقىپ ۇلگەرەدى.
ازىرگە جوبانى جۇزەگە اسىرۋ بويىنشا دايىن شەشىمدەر جوق. بيلىك جۇيەنى ازىرلەۋگە تەندەردى ەندى عانا جاريالادى. جوبانىڭ العاشقى سىنامالىق نۇسقاسى شىلدە ايىندا كانبەررادا (جۇيە سينگاپۋر مەن ۆەللينگتوننان كەلگەن جولاۋشىلاردى تەكسەرەدى) ىسكە قوسىلادى دەپ كۇتىلۋدە. ال قاراشا ايىندا سيدنەي مەن مەلبرۋن قالالارى قوسىلادى, دەپ حابارلادى The Sidney Morning Herald.