فۋتبولدان چەمپيوندار ليگاسى مەن ەۋروپا ليگاسىنىڭ ىرىكتەۋ كەزەڭىنىڭ جەرەبەسى تارتىلدى. بۇل سىنعا بيىل قازاقستاننىڭ ءتورت كلۋبى قاتىسادى.
ۋەفا چەمپيوندار ليگاسىنىڭ ەكىنشى ىرىكتەۋ كەزەڭىندە ەلوردانىڭ «استانا» كلۋبى ليتۆانىڭ ۆيلنيۋس قالاسىنىڭ «جالگيريس» كومانداسىمەن كەزدەسەدى. چەمپيوندار ليگاسىنىڭ العاشقى ويىندارى 12 نەمەسە 13 شىلدەدە ليتۆادا وتسە, ال ەكىنشى ماتچ 19 شىلدە نەمەسە كەلەسى كۇنى استانادا وينالادى.
ەۋروپا ليگاسىنىڭ ءبىرىنشى ىرىكتەۋ كەزەڭىندە قازاقستاننىڭ كلۋبتارىمەن وينايتىن كوماندالار دا بەلگىلى بولدى. «قايرات» (الماتى) البانيانىڭ «تەۋتا» (دۋررەس) كلۋبىمەن كۇش سىناسادى. «ورداباسى» (شىمكەنت) سەربيانىڭ «چۋكاريچكي» (چۋكاريتسە) كومانداسىمەن, «اقتوبە» (اقتوبە) ۆەنگريانىڭ متك بۋداپەشت (بۋداپەشت) جاساعىمەن كەزدەسەدى.