ايماقتار • 20 ناۋرىز, 2021
اپتا باسىندا مەملەكەت باسشىسى قاسىم-جومارت توقاەۆ ساۋران اۋدانىن قۇرۋ تۋرالى تاريحي جارلىققا قول قويدى. كەزىندە ءىرى ساۋدا ورتالىعى نەگىزىندە قۇرىلىپ, ۇلى جىبەك جولىنىڭ بويىندا ورنالاسقان, تاريحى تۇركىستان ۇعىمىمەن بىتە قايناسىپ جاتقان ورتاعاسىرلىق ساۋران قالاسى اتاۋىنىڭ جاڭا اۋدانعا بەرىلۋىن تۇركىستاندىقتار ۇلىستىڭ ۇلى كۇنى قارساڭىندا ەلدى قۋانتقان ەرەكشە وقيعاعا بالاۋدا. حالىقتىڭ كوبەيىپ, جاڭا اۋداننىڭ قۇرىلۋىن ەل تاۋەلسىزدىگىنىڭ جەمىسى سانايدى.
قوعام • 20 ناۋرىز, 2021
كوكتەمگى كۇن مەن ءتۇننىڭ تەڭەلىپ, جالعاندا جارىق كوبەيە باستايتىن ناۋرىز مەرەكەسىن باتىسقازاقستاندىقتار 14 ناۋرىزدا «كورىسۋ ايتىمەن» باستاپ كەتەتىنى بەلگىلى. بۇل كۇننىڭ نەگىزگى اتريبۋتى – ەلدىڭ ۇلكەنىنە, اۋىلدىڭ اقساقالىنا ارنايى بارىپ سالەم بەرىپ, اق باتاسىن الۋ.
ايماقتار • 20 ناۋرىز, 2021
جىلجىمالى كەشەن اۋىلداردى ارالايدى
وبلىس ورتالىعىنان شالعايدا جاتقان كاتونقاراعاي اۋدانىنىڭ تۇرعىندارى جىلجىمالى مەديتسينالىق كەشەندە تولىق تەكسەرۋدەن ءوتتى. مۇنداي مۇمكىندىك كۇندەلىكتى بولا بەرمەيتىندىكتەن, دەنساۋلىعىنا الاڭداعان اۋىلداعى اعايىنداردىڭ قاتارى كوپ بولدى.
قوعام • 20 ناۋرىز, 2021
ۇلتتىق حالىق ساناعى: ۇپاي تۇگەندەلەتىن تاريحي ءسات
الداعى كۇز ايلارىندا تۇتاس ءبىر مەملەكەتتىڭ ىشكى بولمىس-ءبىتىمى, حالىقتىڭ تىنىس-تىرشىلىگى تارازىعا تارتىلاتىن تاريحي ءسات كۇتىپ تۇر. ولاي دەيتىنىمىز, ون جىلدا ءبىر رەت وتكىزىلەتىن ۇلتتىق حالىق ساناعى ەلىمىز ەگەمەندىك العالى بەرى وسىمەن ءۇشىنشى مارتە ۇيىمداستىرىلعالى وتىر. ءۇش ون جىلدىقتا جەتكەن جەتىستىگىمىز بولسا, جىلىكتەپ جىپكە تىزەتىن, كەتكەن ەسەمىز بولسا, كەرى بۇرىلىپ كەم-كەتىگىن ايقىنداپ الاتىن ءسات بۇل. ارينە, حالقىمىزدىڭ بارىن باعامدايتىن بۇل ساناق ءوز داستۇرىنەن جاڭىلماعاندا وسىدان تۋرا ەكى جىل بۇرىن قولعا الىنىپ, ناتيجەسى ساراپتالۋى ءتيىس ەدى. الايدا ءتۇرلى سەبەپتەرگە بايلانىستى بۇل جۇمىس الدىمەن 2020 جىلعا, كەيىن پاندەميانىڭ كەسىرىنەن 2021 جىلعا شەگەرىلدى. وسىلايشا, ۇپايىمىز تۇگەندەلەتىن ۇلتتىق ساناقتى وتكىزۋدىڭ ءساتى بيىل كەلگەن سەكىلدى. جالپى, حالىق ساناعى – بەلگىلى ءبىر ۋاقىت شەڭبەرىندە حالىقتىڭ دەموگرافيالىق, ەكونوميكالىق, الەۋمەتتىك سيپاتتاعى اقپاراتىن جيناۋ, وڭدەۋ, جاريالاۋ, تاراتۋ ماقساتىنداعى جالپىۇلتتىق ستاتيستيكالىق ساراپتاۋ سانالعانىمەن, ونىڭ اۋقىمى الدەقايدا كەڭ. سەبەبى ساناقتىڭ قورىتىندىسى ەسەپ-قيساپ ءۇشىن عانا ەمەس, ەڭ الدىمەن مەملەكەتتىڭ الداعى دامۋ باعىتىن ايقىنداۋ, باسقارۋشىلىق شەشىمدەر شىعارۋ ءۇشىن قاجەت. مەملەكەت باسشىسى قاسىم-جومارت توقاەۆ رەفورمالار جونىندەگى جوعارى كەڭەستىڭ ءۇشىنشى وتىرىسىندا ۇلتتىق ساناقتى ۇيىمداستىرۋ ماسەلەسىن ايتا كەلە, حالىق ساناعى تۇرعىنداردىڭ ناقتى سانىن, ونىڭ جاس جانە گەندەرلىك قۇرامىن, ۋربانيزاتسيا دەڭگەيىن, تابىس كولەمى مەن باسقا دا ماڭىزدى تالداۋ دەرەكتەرىن انىقتاپ, تەكسەرىلگەن ءارى دايەكتى باسقارۋشىلىق شەشىمدەر قابىلداۋعا مۇمكىندىك بەرەتىنىن اتاپ وتكەن بولاتىن. سوندىقتان مانگە دە, مازمۇنعا دا باي بۇل ناۋقانعا بىرجاقتى قاراۋعا بولمايدى.كەلەلى ىسكە دايىندىق بارىسى دا كەڭىنەن قولعا الىنىپ جاتىر. ەل پرەزيدەنتىنىڭ تاپسىرماسى بويىنشا وسى ۇلتتىق ساناقتى ۇيىمداستىرۋ جانە وتكىزۋ جۇمىستارىمەن اينالىساتىن ارنايى كوميسسيا قۇرىلدى. بۇل رەتتە «Egemen Qazaqstan» گازەتى ەلدى ەلەڭ ەتكىزگەن ەندىگى ناۋقان الدىندا دوڭگەلەك ۇستەل ۇيىمداستىرعان ەدى. وعان پرەمەر-ءمينيستردىڭ ءبىرىنشى ورىنباسارى ءاليحان سمايىلوۆ, ستراتەگيالىق جوسپارلاۋ جانە رەفورمالار اگەنتتىگىنىڭ ۇلتتىق ستاتيستيكا بيۋروسى باسشىسىنىڭ ورىنباسارى نياز كوشكىمباەۆ, ءبىلىم جانە عىلىم مينيسترلىگى عىلىم كوميتەتى ەكونوميكا ينستيتۋتىنىڭ عىلىمي قىزمەتكەرى, الەۋمەتتانۋشى ايسۇلۋ مولدابەكوۆا, بۇۇ-نىڭ قازاقستانداعى وكىلدىگىنىڭ ءباسپاسوز حاتشىسى ەلنارا باينازاروۆا قاتىسىپ, ورامدى وي-پىكىرلەرىن ورتاعا سالدى.
قازاقستان • 20 ناۋرىز, 2021
وتكەن تاريحىمىزدى ءبىلىپ, بولعان وقيعالاردىڭ ۋاقىت ناقتىلاپ, كونە قولجازبالاردى زەرتتەۋمەن اينالىساتىن ادامدار ءۇشىن «حيجرا» جىل ەسەبىن, ءبىز قولداناتىن «گريگوريان» جىل ەسەبىنە اينالدىرۋ ءتاسىلىن ءبىلۋى وتە قاجەت.
