قوعام • 01 قاڭتار, 2023
باقۋاتتى اۋىل – بەرەكە باستاۋى
حالقىمىز اۋەلدەن التىن بەسىك دەپ بىلەتىن, جۋسان ءيسى اڭقىعان, شارۋاسى شالقىعان اۋىلىمىز – ىنتىماق-بىرلىكتىڭ, ىرىس-نەسىبەنىڭ, مولشىلىقتىڭ التىن ارقاۋى. بىراق ءبىراز جىلدىڭ بەدەرىندە وسى بەدەلىنە نۇقسان كەلگەن اۋىل-ايماقتىڭ بۇگىنگى حال-احۋالى الاڭداتارلىق كۇيدە ەكەنى, بەرەكەسى ورتايىپ قالعانى تاعى راس. ەلدىڭ ەڭسە تىكتەۋى, حالىقتىڭ ءال-اۋقاتىنىڭ جاقسارۋى اۋىلداعى شارۋاشىلىقتىڭ وڭالۋىنا دا بايلانىستى. سوندىقتان اۋىلدى كوتەرۋ قاشاندا نازاردا جانە الدىمىزداعى جىلى ايرىقشا كوڭىل بولىنەدى.
