قوعام • 13 قازان, 2025

باقىتتىڭ مەكەنى بار ما

باقىت – ولشەۋى قيىن ۇعىم. بىرەۋ ونى وتباسىنداعى تىنىش ومىرمەن كاسىبىنىڭ جەمىسىنەن تابادى, ەندى ءبىرى ساياحات پەن ەركىندىكتەن ىزدەيدى. ال بۇگىندە بۇل ۇعىم تەك جەكە سەزىممەن عانا ەمەس, ءومىر ءسۇرىپ وتىرعان ورتامەن دە تىكەلەي بايلانىسادى. شىنىندا, ادام ءوزىن باقىتتى سەزىنۋ ءۇشىن تەك ىشكى كۇي عانا ەمەس, مەكەن ەتكەن قالاسى دا ماڭىزدى ءرول اتقارا ما؟ وسى ساۋالعا جاۋاپ ىزدەگەن حالىقارالىق Time Out باسىلىمى جىل سايىن الەمنىڭ تۇكپىر-تۇكپىرىندەگى ادامدار اراسىندا زەرتتەۋ جۇرگىزىپ كەلەدى. بيىلعى زەرتتەۋگە 18 مىڭنان استام ادام قاتىسىپ, ءوز قالالارىنىڭ ءومىر ساپاسى مەن مادەني تىنىسىن باعالاعان. رەسپوندەنتتەردەن قالا ءومىرىنىڭ ءتۇرلى قىرلارى: مادەنيەت, كولىك جۇيەسى, تۇرعىن ءۇيدىڭ قولجەتىمدىلىگى, تابيعاتقا جاقىندىق, قاۋىپسىزدىك جانە كۇندەلىكتى ءومىردىڭ ىرعاعى تۋرالى سۇرالعان. ال باستى سۇراق: ء«سىزدىڭ قالاڭىز ءسىزدى باقىتتى ەتە مە؟» ساۋالعا بەرىلگەن جاۋاپتار الەمنىڭ جۇزدەگەن قالاسىنىڭ ىشىنەن جيىرماسىن ەرەكشە ءبولىپ كورسەتكەن. ەڭ قىزىعى بۇل تىزىمدە ەكونوميكالىق الىپتار دا, ساياسي ورتالىقتار دا ەمەس, ادامعا جايلى تىنىس ۇسىنعان قالالار كوش باستاعان, دەپ جازادى Egemen.kz.