9 ادامدى قۇتقارعان
عيبرات • 23 ماۋسىم, 2025
توعىز ادامدى ولىمنەن قۇتقارعان پوليتسەي
بۇگىن, 23 تامىز پوليتسيا قىزمەتكەرلەرىنىڭ كاسىبي مەرەكەسى. ءتارتىپ ساقشىلارى قوعامدىق قاۋىپسىزدىكتى قامتاماسىز ەتۋمەن قاتار ادامداردى نەبىر قاۋىپ-قاتەردەن دە قۇتقارىپ كەلەدى. سونداي پوليتسەيدىڭ ءبىرى – قاراعاندى وبلىسىنىڭ بۇقار جىراۋ اۋداندىق پوليتسيا بولىمىندەگى ۋچاسكەلىك پوليتسيا ينسپەكتورى مەدەت اسقاروۆ. بىرنەشە جىل ىشىندە ءۇش ەرلىك جاساپ, توعىز ادامعا ەكىنشى ءومىر تارتۋ ەتكەندىكتەن ەل ىشىندە ونى «سۋپەرمەن, قاھارمان پوليتسەي, سۋپەرپوليتسەي» دەپ ەرەكشە قۇرمەتپەن اتايدى ەكەن. ول – سۋعا كەتكەندەردى قۇتقارىپ, جول-كولىك وقيعاسى كەزىندە ادامداردى امان الىپ قالعان جانە لاۋلاعان وتتىڭ ىشىنە يمەنبەي ەنگەن باتىر.
