ومىرسەرىك قالي ۇلى
ونەر • 10 تامىز, 2021
عۇمىرى ىزگىلىككە تولى جانداردىڭ ومىرپاراعىنا ۇڭىلگەن قانداي عاجاپ. ەسكە العان سايىن, كوڭىلىڭ ەلەگىزىپ, كەۋدەڭە قانات بىتكەندەي بولادى. وسىنداي تاۋ تۇلعالاردىڭ ورتامىزدا بولعانى جانعا سايا, رۋحقا مەدەت ەدى. اتتەڭ... ۇلى ۋاقىتتىڭ ءوز جوسپارى بار. قاراباۋىر قوعامدا جاقسى ادامدارعا, اسىرەسە, ونەرمەن قاناتتاس تالانتتارعا قازاق ساحناسى شولدەپ تۇراتىنى جاسىرىن ەمەس. ءتاڭىرى بەرگەن قاسيەتتىڭ قادىرىن ءبىلىپ, قىلتاسىن قاقپانعا قيدىرسا دا قىڭق دەمەي, ۇلت رۋحانياتى ءۇشىن رۋحىن قايراعان جانداردىڭ قاي-قايسىسى دا ىستىق. بۇگىن سونداي جارقىن بەينەلەردىڭ ءبىرى, تىرىسىندە تەاتر تارلانىنا اينالعان ومىرسەرىك قالي ۇلى جايىندا ءسوز قاۋزاماقپىز.
